ווידעאָ: ריטשל און ריווטשו טוען אויס די מאַסקעסWATCH: Ritchel and Rivchu remove their masks
ריקי רויזעס הומאָריסטישע סקיצע וועגן צוויי סאַטמערער ייִדענעס וועט איצט ווערן אַ גאַנצע סעריע, פּראָדוצירט פֿונעם נײַעם ייִדישן רעפּערטואַר־טעאַטער.
Image by New Yiddish Rep
פֿון אַלע מינים שרײַבן, האַלט איך אַז דאָס שווערסטע איז דאָס שרײַבן קאָמעדיע. די קאָמיקערין און פֿאָרווערטס־שרײַבערין ריקי רויז האָט אַ סך טאַלאַנט אויף אָט דעם געביט. צוזאַמען מיט איר פֿרײַנדינע חנה גימל, האָט זי מיט אַנדערהאַלבן חודש צוריק געשאַפֿן אַ ווידעאָ וועגן צוויי סאַטמערער באָבעס, ריטשל און ריווטשו, וואָס שמועסן אויף ייִדיש וועגן דעם קאָראָנאַ־ווירוס, וועגן זייערע אייניקלעך און אַנדערע טאָג־טעגלעכע מוטשענישן.
דעם ווידעאָ, פּראָדוצירט פֿונעם פֿאָרווערטס אין מײַ, קען מען זען דאָ.
די וואָך איז אָנגעקומען די ידיעה, אַז דער נײַער ייִדישער רעפּערטואַר־טעאַטער וועט פֿון דער חבֿרשאַפֿט פֿון די צוויי באָבעס מאַכן אַ גאַנצן ”סיטקאָם“, אַ קאָמעדיע־סעריע וווּ עס וועלן זיך אויך באַטייליקן אַנדערע אַקטיאָרן ווי אויטענטישע חסידישע טיפּן.
אינעם ערשטן קאַפּיטל פֿון דער נײַער סעריע, וואָס מע קען זען אויבן, טרעפֿן זיך ריטשל און ריווטשו פּנים־אל־פּנים צום ערשטן מאָל זינט דעם אויסברוך פֿון דער פּאַנדעמיע.
אַזוי ווי עס טרעפֿט אָפֿט אין דער בעסטער קאָמעדיע, באַווײַזן זיך אויך ערנסטע מאָמענטן. פֿאַר וואָס, למשל, קריטיקירן ריטשל און ריווטשו יענע מענטשן וואָס וואַרפֿן אַוועק די שאָלעכצן פֿון די עפּל? דערוויסט מען זיך באַלד דעם ענטפֿער: ווײַל אין לאַגער איז דאָס געווען דער איינציקער טייל פֿונעם עפּל, וואָס מע האָט זיי געגעבן צו עסן.
דער ווידעאָ איז פֿול מיט חן און מיר קוקן אַרויס אויף די ווײַטערדיקע קאַפּיטלען. זאָל זײַן מיטן רעכטן פֿוס!
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
