Image by Kleztival

אין יולי האָט דער פֿאָרווערטס געשריבן, אַז דער בראַזילאַנער קלעזמער־פֿעסטיוואַל „קלעזטיוואַל“ אָרגאַניזירט אַ זינגקאָנקורס, „די באָבע־פּרעמיעס“, כּדי צו אָנערקענען די בעסטע ייִדישע מוזיק געשאַפֿן אינעם יאָר 5780.

זינט דעמאָלט האָבן די אָרגאַניזאַטאָרן באַקומען נישט ווייניקער ווי 136 לידער און ווידעאָס פֿון 22 לענדער. צווישן זיי האָט די זשורי בײַ „קלעזטיוואַל“ אויסגעקליבן 30 פֿינאַליסטן, וואָס שטעלן מיט זיך פֿאָר צען לידער אין יעדער קאַטעגאָריע. די פֿינאַליסטן וועלן טראַנסמיטירט ווערן אָנלײַן ווי אַ טייל פֿונעם פֿעסטיוואַל.

שבת, דעם 17טן אָקטאָבער, 7:30 אין אָוונט ניו־יאָרקער צײַט, וועט מען ווײַזן די צען מוזיק־ווידעאָס וואָס די דשורי האָט געהאַלטן פֿאַר די סאַמע בעסטע.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

זונטיק, דעם 18טן אָקטאָבער, 6:00 אין אָוונט ניו־יאָרקער צײַט, וועט מען טראַנסמיטירן די צען נאָמינירטע אָריגינעלע ייִדישע לידער.

מאָנטיק, דעם 19טן אָקטאָבער, 7:30 אין אָוונט ניו־יאָרקער צײַט, וועט מען קענען הערן די צען נאָמינירטע קלעזמער־קאָמפּאָזיציעס.

שבת, דעם 24סטן אָקטאָבער, 7:30 אין אָוונט ניו־יאָרקער צײַט, וועט מען מעלדן די געווינער בשעת דער צוטיילונג־צערעמאָניע. די הויפּט־געווינער וועלן באַקומען $1,000.

אין צוזאַמענהאַנג מיט „קלעזטיוואַל“, אָרגאַניזירט מען אַן אינטערנאַציאָנאַלן קינדער־נוסח פֿון פּאָלינאַ שעפּהערדס אָנלײַן זינגפּראָגראַם „סטעפּ־פֿאָרווערטס“. אין דער פּראָגראַם, וואָס וועט פֿאָרקומען זונטיק, דעם 18טן אָקטאָבער, 2:00 נאָך מיטאָג ניו־יאָרקער צײַט, וועלן אויפֿטרעטן צוועלף קינדער אין עלטער פֿון דרײַ ביז זעכצן יאָר פֿון אַמעריקע, ישׂראל, אונגערן, אוקראַיִנע, דײַטשלאַנד, בראַזיל און רוסלאַנד מיט געזאַנג. די פּראָגראַם ווערט אונטערגעשטיצט דורך דער קאַנאַדער „פֿונדאַציע אויפֿן נאָמען פֿון יעקבֿ זיפּער און שלמה ווײַסמאַן לטובֿת דער ייִדישער קולטור“ און דורך דער רוסישער קאָנצערט־סעריע „שלום־עליכם־גאַלאַ“. הגם די פּראָגראַם וועט געפֿירט ווערן אויף רוסיש און ענגליש, וועט מען זינגען בלויז אויף ייִדיש.

כּדי צו זען די פֿולע רשימה קאָנצערטן וואָס מע וועט טראַנסמיטירן ווי אַ טייל פֿון „קלעזטיוואַל“, גיט אַ קוועטש דאָ.

A message from our Publisher & CEO Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount