ווידעאָ: מאָטי אילאָוויטשעס ליד קעגן דעם קאָנפֿאָרמיזםWATCH: Motty Ilowitz’s song critiques conformity
„יעדער קיינער“ איז אַ רוף צום חסידישן עולם ניט סתּם נאָכצוטאָן אַלץ וואָס אַנדערע דערוואַרטן פֿון זיי.
Image by Motty Ilowitz
מליצהדיקע ווערטער זענען שווער אויסצומײַדן בײַם באַשרײַבן מאָטי אילאָוויטשעס מוזיק. ווי אַ זינגער איז ער מלא־טעם און ער איז אויך אַ טאַלאַנטירטער קאָמפּאָזיטאָר וואָס שאַפֿט מוזיק אין אַ ריי סטילן. זײַן גאונות איז אָבער בײַם אָנשרײַבן לידער אויף ייִדיש וואָס זענען אויפֿן ערשטן בליק זייער פּשוט, אָבער אין דער אמתן אַנטהאַלטן טיפֿזיניקע מעטאַפֿאָרן, וואָס אַנטפּלעקן זיך ערשט בײַם צווייטן אָדער דריטן מאָל וואָס מע הערט זיך צו. ער איז אויך, ווי אַ סטיליסט, איינער פֿון די בעסטע הײַנטצײַטיקע ייִדישע לידער־שרײַבער אויף דער חסידישער גאַס.
לעצטנס האָט אילאָוויטש אַרויסגעלאָזט אַ מוזיק־ווידעאָ פֿאַר זײַן ליד „יעדער קיינער“, וואָס געפֿינט זיך אויף זײַן נײַעם אַלבאָם „רעיונות“. „יעדער קיינער“ איז אַ ליד קעגן דעם קאָנפֿאָרמיזם, אַ רוף צום חסידישן עולם ניט תּמיד צו טאָן דאָס, וואָס ”יעדער וויל“. אין די חסידישע קרײַזן, וווּ ס׳איז אָפֿט מאָל דווקא ניט קיין מעלה צו זײַן „אַנדערש“ און מע וויל זיך נישט פֿילן אַרויסגעשלאָסן פֿון אַנדערע, אַפֿילו ווען עס שאַט פֿינאַנצניעל צי אַפֿילו גײַסטיש, איז אילאָוויטשעס צוגאַנג אָפֿט אַ קאָנטראָווערסיעלער. כאָטש ער איז ווײַט ניט דער איינציקער זינגער צו קריטיקירן דעם קאָנפֿאָרמיזם אין די חסידישע קרײַזן, איז זײַן „יעדער קיינער“ פֿון די זעלטענע לידער, וואָס טוט דאָס מיט הומאָר און חן. מע זאָגט בײַ ייִדן אַז מע כאַפּט מער פֿליגן מיט האָניק ווי מיט עסיק און אילאָוויטש ווייסט, אַ פּנים, אַז זײַן ליד וועט האָבן אַ השפּעה אויף מער מענטשן, טאָמער ס׳קלינגט ניט ווי אַ קריטיק.
כאָטש ס׳איז קלאָר אַז דער ווידעאָ האָט אין זינען די חסידים, האָט דאָס ליד וואָס צו זאָגן דעם ברייטן עולם בכלל. אילאָוויטש האָט באַשלאָסן אַרײַנצושטעלן אונטערקעפּלעך מיט איבערזעצונגען אויף ענגליש און העברעיִש, כּדי אַז די וואָס פֿאַרשטייען ניט קיין ייִדיש זאָלן אויך קענען געניסן דערפֿון.
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
