Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe

אינטענסיווע ייִדיש־פּראָגראַם פֿונעם אַרגענטינער ייִוואָ אָנלײַןIntensive online Yiddish program through Argentinian YIVO

די קורסן נעמען אַרײַן אָנהייבער־קלאַסן און אַוואַנסירטע סעמינאַרן וועגן דער ייִדישער פּאָעזיע און ווילנע אין דער ייִדישער ליטעראַטור.

צום צווייטן מאָל אַרגאַניזירט דער בוענאָס־אײַרעסער ייִוואָ אַן אינטענסיווע ייִדיש־פּראָגראַם אָנלײַן צוזאַמען מיטן „נאַציאָנאַלן אוניווערסיטעט פֿונעם דריטן פֿעברואַר“ („אונטרעף“). די קלאַסן, וואָס וועלן זיך טרעפֿן אויף דרײַ שעה יעדן מאָנטיק ביז פֿרײַטיק פֿונעם 8טן ביזן 26סטן פֿעברואַר, ווערן געצילעוועט איבערהויפּט אויף די דרום־אַמעריקאַנער סטודענטן וואָס וועלן צו יענער צײַט זײַן אויף זומער־וואַקאַציע. כּדי צו מאַכן די קורסן מער צוטריטלעך פֿאַר די אין אויסלאַנד, אָבער, וועט מען דאָס מאָל אויך לערנען אַ ייִדיש־קלאַס אויף ענגליש.

די אָנהייבער־קורסן וועלן לערנען אַבֿי בליץ (אויף ענגליש) און לוקאַס פֿישמאַן (אויף שפּאַניש) און די קלאַסן פֿאַר מיטנדיקע סטודענטן וועלן לערנען, אויף ייִדיש און שפּאַניש, לוקאַס פֿישמאַן און אסתּר שוואַרץ, די אַקאַדעמישע דירעקטאָרין פֿונעם בוענאָס־אײַרעסער ייִוואָ.

אַבֿרהם ליכטענבוים, דער דירעקטאָר פֿונעם ייִוואָ, וועט לערנען אַן אַוואַנסירטן סעמינאַר אויף ייִדיש וועגן דעם אופֿן ווי אַזוי די שטאָט ווילנע ווערט געשילדערט אין דער ייִדישער ליטעראַטור.

אַחוץ די שפּראַכקלאַסן גופֿא, וועט מען אויך לערנען עטלעכע צוגאָב־קורסן אויף שפּאַניש וועגן דער ייִדישער קולטור:

פּערלאַ שניי, אַ פּראָפֿעסאָרשע בײַם „אונטרעף“, וועט לערנען דעם סעמינאַר — „צווישן גלאָז און שטאָל: די ייִדישע פּאָעזיע אין צוואַנציקסטן יאָרהונדערט“.

סילוויאַ האַנסמאַן, אַן אַרכיוויסטקע בײַם ייִוואָ, און סוזאַנע סקוראַ, אַן אַנטראָפּאָלאָגין און סאָציאָלינגוויסטקע וואָס לערנט אין דער טעאַטער־אָפּטיילונג בײַם „בוענאָס־אײַרעסער אוניווערסיטעט“, וועלן אָנפֿירן מיט אַ סעמינאַר געווידמעט דער ייִדישער פּעדאַגאָגיע.
מאַרקאָס זילבער, אַ פּראָפֿעסאָר פֿון געשיכטע בײַם חיפֿהר אוניווערסיטעט, וועט לערנען אַ קורס וועגן דער פּאָפּולערער קולטור פֿון די פּוילישע ייִדן צווישן ביידע וועלט־מלחמות.

די קלאַסן וועלן פֿאָרקומען פֿון 10:00 אין דער פֿרי ביז 3:00 נאָך מיטאָג בוענאָס־אײַרעסער צײַט (8:00 אין דער פֿרי ביז 1:00 נאָך מיטאָג ניו־יאָרקער צײַט). סטודענטן וואָס פֿאַרשרײַבן זיך דורכן „נאַציאָנאַלן אוניווערסיטעט פֿונעם דריטן פֿעברואַר“ („אונטרעף“) קענען באַקומען זעכציק שעה אַקאַדעמישע קורספּונקטן. דער שׂכר־לימוד איז $300.

כּדי זיך צו פֿאַרשרײַבן, גיט אַ קוועטש דאָ.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.