אַ ליטעראַרישער נאָכמיטאָג לכּבֿוד פּסחAn afternoon of Passover poetry and song
ייִדיש־לערער פֿונעם אַרבעטער־רינג וועלן פֿאָרלייענען ווערק פֿון שלום־עליכם, י. ל. פּרץ און ביילע שעכטער־גאָטעסמאַן.
דער „דריטער סדר“, וואָס מע האָט דורכגעפֿירט דעם פֿאַרגאַנגענעם זונטיק, וועט ניט זײַן די איינציקע געלעגנהייט צו הערן אַ ייִדיש וואָרט אָנלײַן פּסח־צײַט.
דאָנערשטיק, דעם 1טן אַפּריל, חול־המועד־פּסח, וועט דער אַרבעטער־רינג טראַנסמיטירן אַן אָנלײַן־פֿײַערונג, אין וועלכער ייִדיש־לערער און קולטור־טוער וועלן זינגען און פֿאָרלייענען לידער און אויפֿפֿירן הומאָריסטישע סקיצן פֿאַרבונדן מיטן יום־טובֿ.
עס וועלן אָנטייל נעמען די לערער וואָס פֿירן אָן מיטן אַרבעטער־רינגס ייִדיש־קלאַסן, ווי אויך געוויסע פֿון זייערע אַוואַנסירטע סטודענטן. אינעם מוזיקאַלישן טייל וועלן לערער פֿון קלעזמער־מוזיק און געזאַנג שפּילן נײַע קאָמפּאָזיציעס געשאַפֿן דורך די סטודענטן. מע וועט פֿאָרלייענען און זינגען ווערק פֿאַרבונדן מיט פּסח פֿון שלום־עליכם, י. ל. פּרץ, אַבֿרהם רייזען, ה. לייוויק, מאַרק וואַרשאַווסקי, בינעם העלער און ביילע שעכטער־גאָטעסמאַן.
די פּראָגראַם, וואָס איז בחינם, וועט באַגלייט ווערן סײַ פֿון ענגלישע אונטערקעפּלעך, סײַ פֿונעם טראַנסליטערירטן טעקסט פֿון די לידער. די פֿײַערונג הייבט זיך אָן 2:00 ניו־יאָרקער צײַט.
כּדי זיך צו פֿאַרשרײַבן, גיט אַ קוועטש דאָ.
A message from our CEO & publisher Rachel Fishman Feddersen
I hope you appreciated this article. Before you move on, I wanted to ask you to support the Forward’s award-winning journalism during our High Holiday Monthly Donor Drive.
If you’ve turned to the Forward in the past 12 months to better understand the world around you, we hope you will support us with a gift now. Your support has a direct impact, giving us the resources we need to report from Israel and around the U.S., across college campuses, and wherever there is news of importance to American Jews.
Make a monthly or one-time gift and support Jewish journalism throughout 5785. The first six months of your monthly gift will be matched for twice the investment in independent Jewish journalism.
— Rukhl Schaechter, Yiddish Editor
