Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe

צום ערשטן מאָל אויף ייִדיש: אַ פֿאָרלייענונג פֿון חוה ראָזענפֿאַרבס „דער פֿויגל פֿון געטאָ“First time in Yiddish: A public reading of Chava Rosenfarb’s “The Bird of the Ghetto’’

אין דער פּיעסע, שרײַבט ראָזענפֿאַרב, די מחברטע פֿון אַ צאָל ראָמאַנען וועגן דעם לעבן אין לאָדזשער געטאָ, וועגן די ווילנער פּאַרטיזאַנער.

ווייניק מענטשן ווייסן אַז חוה ראָזענפֿאַרב, די מחברטע פֿון „דער בוים פֿון לעבן“ ,און אַנדערע ראָמאַנען וואָס שילדערן די חורבן־תּקופֿה, האָט אויך געשריבן אַ פּיעסע, „דער פֿויגל פֿון געטאָ“ וועגן די ווילנער פּאַרטיזאַנער. כאָטש מע האָט שוין אַרויסגעגעבן די פּיעסע אין בוכפֿאָרעם און זי אויפֿגעפֿירט אויף העברעיִש און ענגליש, האָט מען ביז אַהער קיינמאָל ניט אינסצענירט „דער פֿויגל פֿון געטאָ“ אינעם אָריגינעלן ייִדיש. דאָס ווערק איז איר איינציקע פּיעסע.

זונטיק, דעם 18טן אַפּריל, 2:00 נאָך מיטאָג ניו־יאָרקער צײַט, וועט די פֿאָלקסבינע טראַנסמיטירן אַ דראַמאַטישע פֿאָרלייענונג פֿון דער פּיעסע אויף מאַמע־לשון. די אויפֿפֿירונג, וואָס מע וועט ווײַזן כּדי אָפּצומערקן 78 יאָר זינט דעם אויפֿשטאַנד אין וואַרשעווער געטאָ, וועט מען קענען זען בחינם דאָ ביזן 22סטן אַפּריל.

צווישן די אַקטיאָרן וועלן אויפֿטרעטן חיים וואָלף, אַבֿי האָפֿמאַן, אַבֿרהם מלאָטעק, מאָטל דידנער, מיכל יאַשינסקי און לאה קאַליש.

דער אַקטיאָר און זינגער דניאל קאַהן וועט אויך אויפֿטרעטן מיט אַ ליד לזכר איציק וויטנבערג, דעם קאָמאַנדיר פֿון דער „פֿאַראייניקטער פּאַרטיזאַנער אָרגאַניזאַציע“ אין ווילנער געטאָ, וואָס האָט זיך אונטערגעגעבן צו די דײַטשן, נאָך דעם ווי מע האָט געסטראַשעט צו דערהרגענען די אַנדערע 20,000 ייִדן אין געטאָ. וויטנבערגס לעצטע טעג ווערן געשילדערט אין די זײַטן פֿון דער פּיעסע.

גאָלדע מאָרגענטאַלער, די טאָכטער פֿון חוה ראָזענפֿאַרב וואָס האָט מיטגעאַרבעט מיט איר אויף די ענגלישע איבערזעצונגען פֿון אירע ביכער, האָט צוגעגרייט די ענגלישע אונטערקעפּלעך.

די פֿאָרלייענונג איז אַ טייל פֿון אַן אָנלײַן־פֿעסטיוואַל געווידמעט די ווערק פֿון ייִדישע דראַמאַטורגינס. די סעריע, אָרגאַניזירט דורך דער פֿאָלקסבינעס ליטעראַרישער עצה־געבערין סאַבינע ברוקנער, וועט אַרײַננעמען פּיעסעס פֿון קאַדיע מאָלאָדאָווסקי, מאַריע לערנער און מרים קאַרפּילאָוו.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.