הײַיאָריקער „ייִדסטאָק‟־פֿעסטיוואַל באַטאָנט סאָציאַלע גערעכטיקייטThis year’s Yidstock Festival to focus on social justice
דער קאָנצערט וועט אַרײַננעמען אַרבעטער־הימענס און לידער פֿון פּראָטעסט און קאַמף.
Image by Yiddish Book Center
הײַיאָר וועט דער יערלעכער „ייִדסטאָק‟־פֿעסטיוואַל פֿונעם ייִדישן ביכער־צענטער אָפּמערקן דאָס 40סטע יאָר פֿון דער אָרגאַניזאַציע מיט אַן אָנלײַן־קאָנצערט פֿון נײַער ייִדישער מוזיק, וואָס וועט אָנהייבן „שטראָמען‟ זונטיק, דעם 11טן יולי, 4 אַ זייגער נאָך מיטאָג (ניו־יאָרקער צײַט).
די טעמע פֿונעם הײַיאָריקן קאָנצערט וועט זײַן סאָציאַלע גערעכטיקייט און דערפֿאַר וועט מען הערן פֿאַרשיידענע אַרבעטער־הימענס, לידער פֿון פּראָטעסט און קאַמף, אָבער אויך פֿון דער ייִדישער פּאָעזיע און פֿון דער רעליגיעזער טראַדיציע.
די מוזיקער קומען פֿון אַמעריקע און אייראָפּע, אָבער דער עיקר פֿון ברוקלין. צווישן די היגע קינסטלערס וואָס וועלן אויפֿטרעטן זײַנען שׂרה גאָרדאָן מיט מײַקל ווינאָגראַד, פֿרענק לאָנדאָן, שׂרה מאירסאָן מיט איליאַ שנייווייס, עלינאָר ריסאַ, לאָרין סקלאַמבערג, עלינאָר ווײַל מיט זאָיִ אַקוואַ, סילאַ אָוענס און טאַטיאַנאַ וועקסלער. פֿון בערלין וועלן שפּילן דניאל קאַהן און סוועטאַ קונדיש מיט פּעטריק פֿאַרעל; פֿון ענגלאַנד — פּאָלינאַ און מערלין שעפּערד; און פֿון די נידערלאַנדן — ניקי דזשייקאָבס.
דער קינסטלערישער דירעקטאָר פֿונעם קאָנצערט איז סעט ראָגאָוווי. די פּראָגראַם ווערט אויך געשטיצט פֿון קלעזקאַנאַדע און פֿון אַרבעטער־רינג.
כּדי צו קויפֿן בילעטן, קוועטשט דאָ.
