Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

לעקציע אויף ייִדיש: ווי דער אוניווערסיטעט איז געוואָרן אַ הויפּטמיטל צו פֿאַרשפּרייטן ייִדישLecture in Yiddish: How the university became a main vehicle for passing down Yiddish

קלמן ווײַזער וועט אויך דערציילן ווי די שפּראַך איז מאָביליזירט געוואָרן ווי אַ כּלי אינעם קאַמף קעגן נאַציזם.

זונטיק, דעם 7טן נאָוועמבער, וועט קלמן ווײַזער, פּראָפֿעסאָר פֿון יודאַיִסטיק בײַם יאָרקער אוניווערסיטעט אין טאָראָנטאָ, האַלטן אַ רעפֿעראַט אָנלײַן אויף דער פֿראַגע: ווי אַזוי האָבן די אוניווערסיטעטן פֿאַרנומען דאָס אָרט פֿון דער היים און קהילה בײַם איבערגעבן די ייִדישע שפּראַך און קולטור מחוץ די חסידישע קרײַזן?

אין זײַן לעקציע וועט ער ווײַזן די אַנטוויקלונג פֿון דער טענדענץ, אָנהייבנדיק פֿונעם חורבן ביזן הײַנטיקן טאָג. די אונטערנעמונג, וואָס קומט פֿאָר בשעת דער חורבן־דערציִונג־וואָך, ווערט געשטיצט פֿונעם טאָראָנטער „יו־דזשיי־איי‟ קאָמיטעט פֿאַר ייִדיש.

דעם גרונטשטיין פֿאַרן אײַנפֿירן דעם ייִדיש־לימוד אין די ענגליש־רעדנדיקע אוניווערסיטעטן האָבן געלייגט די צוויי פֿאָרשער, שלמה בירנבוים אין לאָנדאָן און מאַקס ווײַנרײַך אין ניו־יאָרק.

אין דער לעקציע וועט ווײַזער דערקלערן ווי אַזוי ייִדיש איז געוואָרן אַ לימוד אין די אוניווערסיטעטן בעת דער צווייטער וועלט־מלחמה, און ווי די שפּראַך איז אַליין מאָביליזירט געוואָרן ווי אַ כּלי אינעם קאַמף קעגן נאַציזם און ווי אַ מיטל אויפֿצוהיטן די קולטור.

קלמן ווײַזער איז דער מחבר פֿון אַ צאָל ביכער. ער האָט געהאָלפֿן רעדאַקטירן דאָס בוך, „די הויפּטבאַגריפֿן בײַם פֿאָרשן אַנטיסעמיטיזם‟, ווי אויך בײַם צונויפֿשטעלן די פֿאַרגעסערטע אויפֿלאַגע פֿון שלמה בירנבוימס בוך, „ייִדיש: אַן איבערבליק און אַ גראַמאַטיק‟

ער האָט אויך געשריבן דאָס בוך, „דאָס ייִדישע פֿאָלק, דאָס ייִדישלאַנד: נח פּרילוצקי און די פֿאָלקיסטן אין פּוילן‟.

דער רעפֿעראַט, וואָס קומט פֿאָר דעם 7טן נאָוועמבער, 2:00 ניו־יאָרקער צײַט, איז פֿרײַ פֿון אָפּצאָל, אָבער מע מוז זיך פֿאַרשרײַבן פֿון פֿריִער. גיט אַ קוועטש דאָ.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit the Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, images, and credit to the Foward. Have questions? Please email us at editorial@forward.com.

    We don't support Internet Explorer

    Please use Chrome, Safari, Firefox, or Edge to view this site.