YIVO Pinchas by the Forward

מער ווי 1,200 פֿאָרשער פֿאַרדאַמען ייִוואָס באַזײַטיקן די ביבליאָטעקאַרן

More than 1,200 researchers condemn YIVO librarian layoffs

Image by Getty Images

לייענט דעם אַרטיקל אויף ענגליש.

מער ווי 1,200 אַקאַדעמיקער, סטודענטן און געוועזענע אָנגעשטעלטע און וואָלונטירן בײַם ייִדישן וויסנשאַפֿטלעכן אינסטיטוט — ייִוואָ האָבן אונטערגעשריבן אַן אָפֿענעם בריוו וואָס בראַקירט דעם באַשלוס מצד דער אָרגאַניזאַציע אָפּצוזאָגן אַלע זײַנע ביבליאָטעקאַרן.

דער בריוו, אָנגעשריבן סײַ אויף ענגליש סײַ אויף ייִדיש, רופֿט אַז מע זאָל די פֿיר געוועזענע אָנגעשטעלטע תּיכּף אומקערן צו זייערע פּאָזיציעס. „צװישן די באַזײַטיקטע געפֿינען זיך טײל פֿון די סאַמע גרעסטע קענערס פֿון ייִדישן ביבליאָטעקערײַ. די אַבֿידה פֿון זײער װיסן און עקספּערטיז איז אין־לשער,‟ איז געשטאַנען אין בריוו.

ייִוואָ האָט די גרעסטע ביבליאָטעק פֿון מקורים פֿאַרבונדן מיט דער ייִדישער שפּראַך, קולטור און געשיכטע אין דער וועלט: מער ווי 400,000 ביכער, פֿאָרשאַרבעטן, צײַטונגען און זשורנאַלן. דער עקזעקוטיוו־דירעקטאָר דזשאָנאַטאָן ברענט האָט מאָנטיק געזאָגט דעם פֿאָרווערטס אַז מע האָט אָפּגעזאָגט די ביבליאָטעקאַרן כּדי צו דעקן אַ פֿינאַנציעלן בלויז פֿון 550,000$ און אַז די אַרכיוויסטן בײַם ייִוואָ, וואָס גיבן אַכטונג אויף אַ באַזונדערער זאַמלונג פֿון 23 מיליאָן איינסן, וועלן דאַרפֿן אָנפֿירן מיט ביידע אָפּטיילן ביז דער ייִוואָ קען זאַמלען גענוג געלט ווידער צונויפֿצושטעלן אַ ביבליאָטעק־פּערסאָנאַל.

אינעם בריוו שטייט אָבער אַז אַזאַ ענטפֿער טויג נישט. „אָן אַ באַזונדערן ביבליאָטעק־פּערסאָנאַל און דירעקטאָר קען די ייִוואָ־ביבליאָטעק נישט באַדינען די אַקאַדעמיקער ווי געהעריק אָדער זיך בכלל האַלטן פֿאַר אַ פֿירנדיקן אַקאַדעמישן אַנטשאַלט,‟ שטייט דאָרט געשריבן.

דער ייִוואָ און דער פֿאָרווערטס אַרבעטן שוין צענדליקער יאָרן אין איינעם. דער געוועזענער פֿאָרווערטס־פּרעזידענט, שמואל נאָריך, האָט אַ מאָל געדינט ווי דער עקזעקוטיוו־דירעקטאָר פֿון ייִוואָ; צוויי מיטלידער פֿון דער פֿאָרווערטס־פֿאַרוואַלטונג זענען אויך אַ טייל פֿון דער ייִוואָ־פֿאַרוואַלטונג און די צוויי אָרגאַניזאַציעס האָבן אַ סך פֿון די זעלבע שטיצער.

מער ווי 1,200 פֿאָרשער פֿאַרדאַמען ייִוואָס באַזײַטיקן די ביבליאָטעקאַרן

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

מער ווי 1,200 פֿאָרשער פֿאַרדאַמען ייִוואָס באַזײַטיקן די ביבליאָטעקאַרן

Thank you!

This article has been sent!

Close