ווידעאָ: אַבֿרהם פֿריד זינגט „יאַקאָב“ אין קאָסטאַריקעWATCH: Avraham Fried sings “Yakob’’ in Costa Rica
יום־טובֿ עהרליכס ליד וועגן אוזבעקיסטאַן ווערט וווּנדערלעך אויפֿגעפֿירט אין די דזשונגלען פֿון צענטראַל־אַמעריקע.
Graphic by Angelie Zaslavsky
וועמען וואָלט דען אַמאָל אײַנגעפֿאַלן, אַז דער ערשטער אויסגעצייכנטער ייִדיש־שפּראַכיקער מוזיק־ווידעאָ פֿון 2021 וואָלט מען געהאַט געמאַכט אין קאָסטאַריקע? די וואָך איז אַרויס אַ ווידעאָ, אין וועלכן דער אַמעריקאַנער ליובאַוויטשער זינגער אַבֿרהם פֿריד פֿירט אויס יום־טובֿ עהרליכס שלאַגער „יאַקאָב“ מיטן כאָר „נרננה“ אין די דזשונגלען פֿון צענטראַל־אַמעריקע, פֿאַר צענדליקער חסידים. וואָס טוען דאָרטן ”היימישע“ ייִדן? ווי עס ווײַזט זיך אַרויס, מאַכט די פֿאַרזיכערונג־פֿירמע MassMutual יעדעס יאָר אַ לוקסוס־רײַזע פֿאַר אירע געראָטנסטע פֿרומע מעקלער. מיט צוויי יאָר צוריק איז מען געפֿאָרן קיין שאַנכײַ, און פֿאַראַיאָרן האָט מען זיך אָפּגערוט אויף אַ רעזאָרט אין קאָסטאַריקע.
שוין דרײַסיק יאָר לאַנג וואָס אַבֿרהם פֿריד זינגט „יאַקאָב“ און ווי תּמיד איז זײַן נוסח אַן אויסגעצייכנטער. כאָטש אַ סך מענטשן מיינען אַז דער העלד פֿונעם ליד באַגייט זעלבסטמאָרד בײַם סוף, ענדיקט זיך די מעשׂה גאַנץ אַנדערש. ווי פֿריד האָט דערקלערט אין אַן אינטערוויו מיטן „ייִדישן ביכער־צענטער“, איז דער יאַקאָב פֿונעם ליד געווען אַ ייִד מיטן נאָמען יעקבֿ פּאָטאַש, וואָס האָט זיך נאָך דער מלחמה באַזעצט אין אַמעריקע און לאַנגע יאָרן אָנגעפֿירט מיט אַ שפּײַזקראָם אויף דער 13טער עוועניו אין באָראָ־פּאַרק. דאָרטן, אין ברוקלין, האָט יום־טובֿ עהרליך זיך באַקענט מיט אים און פֿאַראייביקט זײַן לעבנס־געשיכטע ווי דאָס ליד „יאַקאָב“, וואָס ווערט עד־היום געזונגען, ניט בלויז אויף ייִדיש, נאָר אויך אויף ענגליש און העברעיִש.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
