Zalmen Mlotek by the Forward

ווירטועלער שמועס אויף ייִדיש מיט זלמן מלאָטעק

Virtual Yiddish conversation with Zalmen Mlotek

Image by Mlotek Family

זלמן מלאָטעק, דער קינסטלערישער דירעקטאָר פֿון דער פֿאָלקסבינע און אַ מומחה אין דער ייִדישער פֿאָלק־ און טעאַטער־מוזיק, וועט רעדן מיט ניקאָלײַ באָראָדולין, דעם אַרבעטער־רינגס דירעקטאָר פֿון ייִדיש־קלאַסן, בשעת אַן עפֿנטלעכער פּראָגראַם.

אינעם שמועס, וואָס קומט פֿאָר ווי אַ טייל פֿון אַ סעריע אָנלײַן ייִדיש־אַקטיוויטעטן אָרגאַניזירט דורכן אַרבעטער־רינג, וועט מלאָטעק רעדן וועגן זײַנע יאָרן אינעם ייִדישן טעאַטער, וועגן זײַנע עלטערן: די כּלל־טוערס, זשורנאַליסטן און מוזיק־עקספּערטן יאָסל און חנה מלאָטעק. ער וועט אויך דערציילן וועגן דער פֿאָלקסבינעס קומענדיקע קאָנצערטן און פּיעסעס. בײַ דער געלעגנהייט וועט ער זיך טיילן מיט לידער, וואָס זענען בײַ אים און זײַן משפּחה ספּעציעל באַליבט.

די פּראָגראַם וועט טראַנסמיטירט ווערן זונטיק, דעם 31סטן יאַנואַר, 2:00 נאָך מיטאָג ניו־יאָרקער צײַט. מע קען זען דעם שמועס בחינם, אָבער מע בעט אַ בײַשטײַער פֿון $18 אונטערצושטיצן די ייִדיש־אַקטיוויטעטן פֿונעם אַרבעטער־רינג. כּדי זיך צו פֿאַרשרײַבן, גיט אַ קוועטש דאָ.

זלמן מלאָטעק איז אויפֿגעוואַקסן אין די „אַמאַלגאַמאַטעד־הײַזער“ אין די בראָנקס, און האָט זיך געלערנט בײַם לעגענדאַרן קאָנדוקטאָר לענאָרד בערנשטיין. איידער ער איז געוואָרן דער קינסטלערישער דירעקטאָר פֿון דער פֿאָלקסבינע, האָט ער אָרגאַניזירט פּראָמינענטע קאָנצערטן פֿון ייִדישער מוזיק אין „לינקאָן־צענטער“, אַרײַנגערעכנט אַ סעריע קלעזמער־ספּעקטאַקלען מיט יצחק פּערלמאַן.

יאָסל און חנה מלאָטעק האָבן דרײַסיק יאָר לאַנג אָנגעפֿירט מיט דער פּאָפּולערער רובריק „פּערל פֿון דער ייִדישער פּאָעזיע“ און האָבן אויך לאַנצירט אַן ענלעכע רובריק, „פּערל פֿונעם ייִדישן ליד“, אין וועלכן זיי האָבן געפֿונען דעם טעקסט פֿון לידער, וואָס די לייענער האָבן געדענקט בלויז אַ טייל פֿון די ווערטער. אַלע דרײַ — יאָסל, חנה און זלמן — זענען לאַנגע יאָר געווען נאָענט פֿאַרבונדן מיטן אַרבעטער־רינג, יאָסל— ווי איר בילדונג־דירעקטאָר און חנה מלאָטעק — ווי אַ קאָמפּאָזיטאָרין פֿון לידער פֿאַר דער אָרגאַניזאַציעס שולן.

ווירטועלער שמועס אויף ייִדיש מיט זלמן מלאָטעק

Your Comments

The Forward welcomes reader comments in order to promote thoughtful discussion on issues of importance to the Jewish community. All readers can browse the comments, and all Forward subscribers can add to the conversation. In the interest of maintaining a civil forum, The Forward requires that all commenters be appropriately respectful toward our writers, other commenters and the subjects of the articles. Vigorous debate and reasoned critique are welcome; name-calling and personal invective are not and will be deleted. Egregious commenters or repeat offenders will be banned from commenting. While we generally do not seek to edit or actively moderate comments, our spam filter prevents most links and certain key words from being posted and the Forward reserves the right to remove comments for any reason.

Recommend this article

ווירטועלער שמועס אויף ייִדיש מיט זלמן מלאָטעק

Thank you!

This article has been sent!

Close