Skip To Content
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

פּאַריזער זומער־פּראָגראַם וועט פֿאָרקומען סײַ פּנים־אל־פּנים, סײַ דורך „זום“Paris summer program to be held both in person and over Zoom

סטודענטן קענען אויסקלײַבן צווישן פֿינף מדרגות פֿון שפּראַכקלאַסן, ווי אויך צוגאָב־וואַרשטאַטן, אַרײַנגערעכנט חסידיש־ייִדיש און אַלט־ייִדיש.

להיפּוך צו דער זומער־פּראָגראַם פֿונעם ניו־יאָרקער ייִוואָ, וואָס וועט הײַיאָר ווידער פֿאָרקומען אויסשליסלעך אָנלײַן, וועט דער „פּאַריזער ייִדיש־צענטער — מעדעם־ביבליאָטעק“ דורכפֿירן זײַנע קלאַסן סײַ פּנים־אל־פּנים, סײַ דורך „זום“.

די זומער־פּראָגראַם, וואָס קומט פֿאָר אַלע דרײַ יאָר אין דער פֿראַנצייזישער הויפּטשטאָט אונטער דער פּעדאַגאָישער אָנפֿירונג פֿון יצחק ניבאָרסקי, וועט דורכגעפֿירט ווערן פֿון מאָנטיק, דעם 9טן אויגוסט ביז פֿרײַטיק, דעם 27סטן אויגוסט. מע וועט לערנען ייִדיש אויף פֿינף מדרגות. די ערשטע און צווייטע מדרגות, מיט נאַדיאַ דעהאַן־ראָטשילד און אַניק פּרים־מאַרגוליס, וועלן זיך טרעפֿן פּנים־אל־פּנים. ווי עס שטייט אויף דער וועבזײַט, וועלן די קלאַסן דורכגעפֿירט ווערן „אונטער אַ שטרענגער השגחה וואָס שייך סאַניטאַרישע נאָרמעס.“ פֿאַר די אָנהייבער־סטודענטן וואָס קענען ניט קומען קיין פּאַריז, וועלן סאָניע פּינקוסאָוויטש־דראַטוואַ, קאַראָלינאַ שימאַניאַק, לייזער בורקאָ און דאַריאַ וואַכרושאָוואַ לערנען אָנהייבער־קורסן דורך ”זום“.

פֿאַר די סטודענטן וואָס וועלן זיך לערנען אינעם לאָקאַל פֿונעם „פּאַריזער ייִדיש־צענטער — מעדעם־ביבליאָטעק“, וועט מען אויך האַלטן געזאַנג־סעסיעס און קאָכן־וואַרשטאַטן, וואָס טרעפֿן זיך פּנים־אל־פּנים.

די שפּראַכקלאַסן פֿונעם דריטן ניוואָ ביז פֿינפֿטן ניוואָ פֿינף, ווי אויך ס׳רובֿ קולטורעלע פּראָגראַמען און וואַרשטאַטן, וועלן זיך טרעפֿן דורך „זום“. די לערער בײַ די מדרגות דרײַ ביז פֿינף וועלן זײַן יצחק ניבאָרסקי, שרון בר־כּוכבֿא, רייזע טורנער, נאַטאַליע קריניצקאַ, לייזער בורקאָ, קאַראָלינאַ שימאַניאַק און טל חבֿר־כיבאָווסקי.

וואָס שייך די סעסיעס וואָס וועט דורכגעפֿירט ווערן דורך „זום“, וועט מען האַלטן אַ פֿילמוואַרשטאַט וואָס וועט ווײַזן די סטודענטן ווי אַזוי צו שאַפֿן און רעדאַקטירן ווידעאָס אויף ייִדיש און וואַרשטאַטן געווידמעט מוזיק, גראַמאַטיק, אַלט־ייִדיש און חסידיש־ייִדיש.

דער שׂכר־לימוד איז 680 אייראָס פֿאַר דער פֿולער פּראָגראַם און 470 אייראָס פֿאַר ווייניקער לערן־שעהען. די וואָס קענען ניט אויספֿירן צו באַצאָלן דעם פֿולן פּרײַז ווערן געמוטיקט אָנצוגעבן אויף אַ סטיפּענדיע.

כּדי זיך צו דערוויסן נאָך פּרטים, באַזוכט די וועבזײַט פֿון דער פּאַריזער זומער־פּראָגראַם דורכן געבן אַ קוועטש דאָ. כּדי זיך צו פֿאַרשרײַבן, גיט אַ קוועטש דאָ.

Dive In

    Engage

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.