9/11 by the Forward

ווידעאָ: ביילע שעכטער־גאָטעסמאַנס רירנדיקע „באַלאַדע פֿונעם 11טן סעפּטעמבער‟

WATCH: Beyle Schaechter-Gottesman’s powerful “Ballad of September 11”

הײַיאָר, בעת די וועלט מערקט אָפּ דעם 20סטן יאָרצײַט פֿון די טעראָריסטישע אַטאַקן אויפֿן וועלטהאַנדל־צענטער אין ניו־יאָרק, האָט דער פֿאָרווערטס פֿאַרבעטן די האָלענדישע ייִדישע זינגערין, לוסעט וואַן דען בערג, צו רעקאָרדירן די רירנדיקע „באַלאַדע פֿונעם 11טן סעפּטעמבער‟ אָנגעשריבן פֿון דער פּאָעטעסע, ביילע שעכטער־גאָטעסמאַן ז״ל.

די מחברטע (וואָס איז, דרך־אַגבֿ, מײַן מומע) האָט אָנגעשריבן דאס ליד בלויז עטלעכע טעג נאָך די אַטאַקן, אויסדריקנדיק אירע רויע געפֿילן וועגן דעם שוידערלעכן אַקט.

לויט מײַן מיינונג איז דאָס איינס פֿון אירע בעסטע לידער, כאָטש ס׳איז נישט אַזוי באַקאַנט ווי אירע אַנדערע, ווי „האַרבסטליד‟ און „די שוואַרצע וואַראָנעס‟ — אפֿשר ווײַל די טעמע איז צו פֿיל אַ פּײַנלעכע.

וואַן דען בערג האָט גוט געקענט ביילע שעכטער־גאָטעסמאַן, און זינגט עס טאַקע מיט פּאַטאָס, אַזוי ווי די מחברטע אַליין האָט עס געזונגען.

איצט וועלן אַלע האָבן אַ געלעגנהייט צו הערן און זיך אויסצולערנען דאָס ליד. מיר האַלטן אַז דאָס איז אַ פּאַסיקער אופֿן אָפּצומערקן דעם אָנדענק פֿון די טויזנטער קרבנות פֿון יענעם באַרבאַרישן אַקט.

ווידעאָ: ביילע שעכטער־גאָטעסמאַנס רירנדיקע „באַלאַדע פֿונעם 11טן סעפּטעמבער‟

Recommend this article

ווידעאָ: ביילע שעכטער־גאָטעסמאַנס רירנדיקע „באַלאַדע פֿונעם 11טן סעפּטעמבער‟

Thank you!

This article has been sent!

Close