סאַן־דיעגאָ ייִדיש־גרופּע, „יאַנאַ“, האָט איצט אַ לאָקאַלSan Diego Yiddish organization, YAAANA, now has a physical space
דער עולם וועט דאָרט קענען הערן לעקציעס, זען אויסשטעלונגען און פֿאָרשטעלונגען אָדער סתּם טרינקען אַ קאַווע בשעתן לייענען אַ בוך אין דער קאַפֿעטעריע.
Graphic by Angelie Zaslavsky
די ליבהאָבער פֿון ייִדיש וואָס וווינען אין דער געגנט פֿון סאַן־דיעגאָ, קאַליפֿאָרניע, וועלן אין גיכן האָבן אַן אייגענעם לאָקאַל, וווּ מע וועט זיך קענען פֿאַרזאַמלען אויף פֿאַרשידענע אונטערנעמונגען אין שײַכות מיט דער ייִדישער שפּראַך און קולטור.
די „אָרגאַניזאַציע פֿאַר ייִדישער קונסט און אַקאַדעמישע פֿאָרשונגען אין צפֿון־אַמעריקע“ (באַקאַנט ווי YAAANA) האָט ערשט לעצטנס געדונגען דאָס אָרט אויפֿן אַדרעס, 1128 וואָל־סטריט אין לאַ דזשאָלאַ, אַ געגנט אין סאַן דיעגאָ וואָס געפֿינט זיך לעבן דעם ברעג ים. דעם 14טן נאָוועמבער איז דער ברייטער עולם פֿאַרבעטן צו קומען אויפֿן חנוכּת־הבית, וווּ מע וועט דאָרט אַרײַנקלאַפּן אַ מזוזה.
„מיר וועלן דאָ האַלטן לעקציעס, רעפֿעראַטן, וואַרשטאַטן און פֿאָרשטעלונגען,‟ האָט איבערגעגעבן די דירעקטאָרין פֿון דער אָרגאַניזאַציע, יאַנאַ מאַזורקעווישט מייזאַראָש. „דאָס אָרט וועט אויך דינען ווי אַ קליינער מוזיי, גאַלעריע, און ס׳וועט זײַן אַ קאַפֿעטעריע וווּ מע קען זיצן און טרינקען אַ טיי אָדער קאַווע און לייענען ביכער אויף ייִדיש, העברעיִש אָדער ענגליש.‟
דערווײַל האָט זיך אין דער גאַלעריע שוין געעפֿנט די ערשטע אויסשטעלונג: ווערק פֿונעם קינסטלער סימאָר ראָזענטאַל.. די קונסטווערק זענען, אַגבֿ, צום פֿאַרקויפֿן, און די הכנסה וועט געניצט ווערן צו העלפֿן באַצאָלן דאָס דירה־געלט.
מאַזורקעווישט מייזאַראָש האָפֿט אַז די אָרטיקע אײַנוווינער וועלן בכלל קענען צולייגן אַ האַנט, אַפֿילו פּשוט צושטעלן מעבל ווי הילצערנע שטולן, באַנקען און טישלעך. נאָך מער פּרטים פֿאַרבינדט זיך מיט יאַנאַ מאַזורקעווישט מייזאַראָשן דאָ.
Hello, fellow Forward reader! I’m Joel Brown, a Forward reader and supporter for more than 15 years, and currently the chair of the board of directors.
I’m an avid Forward reader because it ticks so many of my essential boxes: excellent journalism, Jewish focus and diverse viewpoints. In today’s political climate, what I most appreciate is the Forward’s independence — made possible by the generosity of its membership.
The Forward is committed to bringing you unbiased, nuanced Jewish news. From my position as board chair, I see an exciting future as we expand our position as the definitive independent voice of contemporary American Judaism.
That’s why I’m paying it Forward, by matching $36,000 of reader gifts. It’s an investment in the Forward’s newsroom, to continue telling the American Jewish story with truth and independence.
— Joel Brown, Forward board chair
Support our mission to tell the Jewish story fully and fairly.
