Graphic by Angelie Zaslavsky

איינער פֿון די הויכפּונקטן פֿונעם יערלעכן פֿעסטיוואַל, „ייִדיש ניו־יאָרק‟, וואָס קומט הײַיאָר פֿאָר דעם 25סטן ביזן 30סטן דעצעמבער 2021, איז דער קאָנצערט „חלומען אויף ייִדיש‟ לזכר דער באַרימטער ייִדישער זינגערין און קולטור־טוערין, חנה קופּער, וווּ מע טיילט אויס די „חלומען אויף ייִדיש‟־פּרעמיע אַ באַקאַנטער פֿיגור אין דער ייִדיש־וועלט.

הײַיאָר וועט באַקומען די פּרעמיע דער פֿאָרשער און מחבר, ד״ר דזשעפֿרי (יחיאל) שאַנדלער. אַן אָנגעזעענער פּראָפֿעסאָר פֿון יודאַיִסטיק אין ראָטגערס־אוניווערסיטעט, האָט שאַנדלער, וועלכער האָט באַקומען זײַן דאָקטאָראַט אין ייִדיש־שטודיעס בײַם קאָלומביע־אוניווערסיטעט, שוין אַ סך געשריבן און רעפֿערירט וועגן דעם הײַנטיקן מצבֿ פֿון דער ייִדישער שפּראַך און קולטור, ברפֿט אין שײַכות מיט אַמעריקאַנער ייִדן.

איין וויכטיקער בײַטראָג וואָס שאַנדלער האָט געמאַכט צו דער דיסקוסיע וועגן ייִדיש הײַנט־צו־טאָג איז זײַן בוך, „ייִדיש: די ביאָגראַפֿיע פֿון אַ שפּראַך‟, וואָס איז אַרויס אין 2020. דאָרט טענהט ער אַז די צוקונפֿט פֿון דער ייִדישער שפּראַך און קולטור ליגט, אין תּוך, מחוץ די ראַמען פֿון משפּחה־לעבן.

ווי לייזער בורקאָ האָט געשריבן אין זײַן רעצענזיע פֿון שאַנדלערס בוך איז שאַנדלער ספּעציעל פֿאַראינטערעסירט אין ייִדיש ווי אַ „פּאָסטווערנאַקולאַר‟ לשון, ד״ה דאָס ניצן אַ שפּראַך אויף אַ סימבאָלישן אופֿן נאָך דעם ווי מע האָט זי שוין אויפֿגעהערט צו רעדן. דעם באַגריף „פּאָסטווערנאַקולאַר‟ האָט די היסטאָריקערין, ד״ר צירל קוזניץ, צו ערשט געניצט אין אַן אַרטיקל פֿונעם יאָר 2002 אָבער שאַנדלער האָט געהאָלפֿן אים פֿאַרשפּרייטן אין דער ייִדיש־פֿאָרשונג, עפֿענענדיק ברייטערע פּערספּעקטיוון אויף אַ סך פֿענאָמענען, וואָס מע האָט פֿריִער פֿאַרקוקט.

צווישן די פֿריִערדיקע לאַורעאַטן פֿון דער „חלומען אויף ייִדיש‟־פּרעמיע זענען מײַקל וועקס, אירענע קלעפּפֿיש, שורה ליפּאָווסקי, קאָליע באָראָדולין און שיין בייקער.

דער קאָנצערט און די פּרעמיע־אויסטיילונג וועלן פֿאָרקומען מיטוואָך, דעם 29סטן דעצעמבער, 8:00 אין אָוונט ניו־יאָרקער צײַט. ווי דער גאַנצער פֿעסטיוואַל, וועט מען עס דורכפֿירן סײַ פּנים־אל־פּנים, סײַ אָנלײַן. כּדי צו באַשטעלן בילעטן גיט אַ קוועטש דאָ.

Why I became the Forward’s editor-in-chief

You are surely a friend of the Forward if you’re reading this. And so it’s with excitement and awe — of all that the Forward is, was, and will be — that I introduce myself to you as the Forward’s newest editor-in-chief.

And what a time to step into the leadership of this storied Jewish institution! For 129 years, the Forward has shaped and told the American Jewish story. I’m stepping in at an intense time for Jews the world over. We urgently need the Forward’s courageous, unflinching journalism — not only as a source of reliable information, but to provide inspiration, healing and hope.

That’s where you come in. Gifts of any size keep the Forward free and accessible to everyone and ensure we have the resources we need to power the Forward at this critical time for American Jews.

Don't just read the Forward - invest in it. Will you support our work today?

, editor-in-chief

Support our mission to tell the Jewish story fully and fairly.

$120 $180 $360 OTHER AMOUNT