כאַרקעװער טאָגבוך: רעפּאָרטאַזש פֿון אַן אוקראַיִנער שרײַבערKharkiv diary: Impressions of a Ukrainian writer
דער אוקראַיִנער שרײַבער און פּאָעט סערהײ זשאַדאַן באַשרײַבט דעם מוט פֿון די אוקראַיִנער, נישט געקוקט אויף די רוסישע באָמבאַרדירונגען.
Graphic by Angelie Zaslavsky
פֿון דער רעדאַקציע:
סערהײ זשאַדאַן, אַן אָנגעזעענער אוקראַיִנער שרײַבער און פּאָעט, טײלט זיך יעדן טאָג מיט זײַנע הירהורים בימי מלחמה אויף פֿייסבוק.
שלום בערגער און פֿיליפּ שװאַרץ זענען אַזוי גערירט געוואָרן פֿון זשאַדאַנס באַריכטן אַז זיי האָבן איבערגעזעצט צוויי אויסצוגן אויף ייִדיש. שװאַרץ, אַ גראַדויִר־סטודענט אין ייִדישער געשיכטע, האָט פֿאַרבראַכט אַ היפּש ביסל צײַט אין אוקראַיִנע, אַרבעטנדיק אין אַ הילפֿס־אָרגאַניזאַציע פֿאַר מלחמה־פּליטים. בערגער איז געװען אין קיִעװ צװײ חדשים לאַנג אין זומער 1995, װוּ ער האָט זיך באַקענט מיט ייִדישע שרײַבער און פּערזענלעכקײטן פֿון דער אָרטיקער ייִדישער קהילה.
דעם 23סטן מאַרץ 2022, 9:00 אָװנט
די שטאָט, װאָס האָט איבערגעלעבט אַ שאָק, האָט זיך באַלד געשטעלט אױף די פֿיס און מאַכט איצט אַ געהעריקן װידערשטאַנד קעגן די רוסישע כּוחות, נישט געקוקט דערױף װאָס מע באַשיסט זי יעדן טאָג (אױף אַן אמת — יעדע נאַכט) און נישט געקוקט אויף די שטענדיקע קרבנות — גװאַלדיקע מעשׂיות פֿון מענטשן װאָס זײַנען נישט דערשראָקן געװאָרן און פֿאַרטײדיקן זײער שטאָט, זײער לאַנד, זײער צוקונפֿט.
כ’האָב געשעפּט נחת פֿון די קינדער װאָס האָבן שױן געשפּירט דעם פֿרילינג און פֿאָרן ווידער אין די גאַסן אױף סקוטערס.
הײַנט האָט מען געשפּילט נאָך אַ קאָנצערט אין אײנער פֿון די מעטראָ־סטאַנציעס. מ׳איז אַ ביסל מיד, אָבער בכּלל נישט פֿאַרצװײפֿלט. דאָס לעבן גײט אָן װײַטער, דער עולם טראַכט װעגן דעם מאָרגן.
אַ רויִקן אָװנט אַלעמען. מאָרגן װעלן מיר װידער אױפֿשטײן, אױף אַ טאָג נענטער צו אונדזער נצחון.
זעט דעם אָריגינעלן טעקסט מיטן בילד דאָ.
דעם 24סטן מאַרץ 2022, 3:00 נאָך מיטאָג
אָט איז אַ הױז אין אַ כאַרקעװער הױף אין צענטער שטאָט. אויף דער וואַנט זײַנען דאָ שפּורן פֿון גאַסנשלאַכטן בשעת דער צווייטער וועלט־מלחמה. די װאַנט קוקט נישט אַרױס צו דער גאַס., און דעריבער האָט קיינער זי נישט רעמאָנטירט זינט די 1940ער יאָרן, און אַזױ שטייט זי נאָך אַלץ.
בײַנאַכט איז נישט װײַט פֿון הויז אַראָפּגעפֿאַלן אַ ראַקעט וואָס מע האָט אַרויסגעשאָסן פֿון אַ רוסישער שיף. איך האָב ערשט גערעדט מיט דער ראַיאָן־אָנפֿירערשאַפֿט. זיי האָבן מיר געוויזן פֿאָטאָס פֿון דער גרוב (פֿאַרשטײט זיך, אַז איך װעל זײ נישט װײַזן). איך מוז זאָגן, אַז די רוסישע פֿאַשיסטן זענען אַ סך אַכזריותדיקער ווי די דײַטשישע. איך פֿאַרשטיי אַז עס האָט נישט קײן טעם צו באַשטימען די מדרגה פֿון אַכזריות, אָבער איך קען זיך נישט פֿאָרשטעלן װי אַזױ מ׳איז בכּוח צו שיסן אױף װױנקװאַרטאַלן. (דאָס איז נישט קײן אַרמיי, דאָס זײַנען מלחמה־פֿאַרברעכער.
זעט דעם אָריגינעלן טעקסט מיטן בילד דאָ.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
