Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

ברוך לעבאָוויץ, וואָס האָט באַלעסטיקט ייִנגלעך, געשטאָרבן צו 71 יאָרBaruch Lebovits, convicted child abuser, dies at 71

אין 2010 האָט אַ פֿרומער בחור, וואָס האָט באַשולדיקט לעבאָוויצן אין האָבן אים באַלעסטיקט, זיך גענומען דאָס לעבן גלײַך פֿאַר זײַן חתונה.

ייִט״אַ. — ברוך לעבאָוויץ, אַ חזן פֿון דער מונקאַטשער חסידישער קהילה, איז דעם פֿאַרגאַנגענעם שבת געשטאָרבן צו 71 יאָר — 12 יאָר נאָך דעם ווי ער איז פֿאַרמישפּט געוואָרן פֿאַרן האָבן אַ צאָל מאָל סעקסועל באַלעסטיקט אַ ייִנגל פֿון 16 יאָר.

הונדערטער מענטשן זענען בײַגעווען זײַן לוויה מאָנטיק אין ירושלים. מיט אַ טאָג פֿריִער האָט אַ הזכּרה נאָך אים אין באָראָ פּאַרק, ברוקלין, אויך צוגעצויגן אַ סך מענטשן.

אין 2010 איז לעבאָוויץ פֿאַרמישפּט געוואָרן צו זיצן אין תּפֿיסה צווישן 10 און 32 יאָר בעת אַ צײַט ווען די פּראָקוראָרן אין ברוקלין האָבן געוואָלט באַווײַזן אַז זיי זענען נישט מער מקיל אין שײַכות מיט פֿאַרברעכנס מצד מיטגלידער פֿון די חסידישע קרײַזן ווי מיט די פֿאַרברעכנס באַגאַנגען דורך אַנדערע מענטשן.

אין 2012 איז לעבאָוויץ באַפֿרײַט געוואָרן צוליב אַ טעכנישן טעות און איז דערנאָך ווידער אײַנגעזעצט געוואָרן אין 2014 נאָך דעם ווי ער האָט אַליין מודה געווען אין האָבן סעקסועל באַלעסטיקט אַ בחור. נאָך 82 טעג איז ער ווידער באַפֿרײַט געוואָרן.

דער לעגאַלער ענין האָט צוגעצויגן אַ סך אויפֿמערק צוליב עטלעכע סיבות: ערשטנס, ווײַל דער באַרימטער אַדוואָקאַט אַלען דערשאָוויץ האָט מסכּים געווען אים צו רעפּרעזענטירן אין געריכט; צווייטנס, צוליב דעם וואָס עטלעכע הויך־ראַנגיקע סאַטמערער רבנים האָבן פֿאַרטיידיקט לעבאָוויצן, און דריטנס, ווײַל געוויסע עסקנים אין דער קהילה האָבן געסטראַשעט און זיך נוקם געווען אין די ייִדן וואָס האָבן עפֿנטלעך באַשולדיקט לעבאָוויצן אין סעקסועלער באַלעסטיקונג.

אַ לענגערער אַרטיקל אינעם זשורנאַל „ניו יאָרקער“ אין 2014 האָט דערציילט וואָס איז געשען מיט אַ טאַטן וואָס האָט דערציילט דער פּאָליציי אַז לעבאָוויץ האָט זיך געטשעפּעט צו זײַן זון (אַ זאַך וואָס דער זון האָט אים אַליין דערציילט). כאָטש לעבאָוויצעס באַלעסטיקונג פֿון בחורים איז געווען גוט באַקאַנט אין די חסידישע קרײַזן האָט מען אָט דעם טאַטן, סאַם קעלנער, באַשולדיקט אין פּרוּוון אויספּרעסן געלט פֿון לעבאָוויצעס משפּחה, דורכן זאָגן זיי אַז אויב זיי גיבן אים דאָס געלט וועט ער צוריקציִען זײַן באַשולדיקונג.

לעבאָוויצעס מעשׂים האָבן געהאַט טיפֿע נאָכווייען. אין 2010 האָט אַ פֿרומער בחור, וואָס האָט באַשולדיקט לעבאָוויצן אין האָבן אים באַלעסטיקט, זיך גענומען דאָס לעבן גלײַך פֿאַר זײַן חתונה. אַ צווייטער וואָס איז אײַנגעקלאָגט געוואָרן אין סעקסועלער באַלעסטיקונג האָט דערקלערט אַז ער האָט אַליין געליטן פֿון סעקסועלער באַלעסטיקונג דורך לעבאָוויצן.

Dive In

    Explore

    Most Popular

    In Case You Missed It

    Engage

    • SHARE YOUR FEEDBACK

    • UPCOMING EVENT

      NY-12 Candidate Forum

      THE TEMPLE EMANU-EL STREICKER CENTER and Virtual

      Aug 10, 2022

      7 pm ET · 

      Will the last Jew left in New York’s congressional delegation be reelected? Will New York’s senior congresswoman receive another term? Or will one of the newcomers upend Manhattan politics?

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.