נאָוואַטאָרישע ייִדישע פֿאָרשטעלונג שילדערט אַ וואַרשעווער קאַבאַרעט אין 1938 Edgy new Yiddish show recreates a Jewish cabaret in Warsaw in 1938
די פּיעסע פֿון מײַקל וועקס וועט האָבן איר צפֿון־אַמעריקאַנער פּרעמיערע אויפֿן אַשכּנז־פֿעסטיוואַל אין טאָראָנטאָ.
Graphic by Angelie Zaslavsky
דעם 3טן און 4טן סעפּטעמבער וועט דער אַשכּנז־פֿעסטיוואַל אין טאָראָנטאָ אויפֿפֿירן די צפֿון־אַמעריקאַנער פּרעמיערע פֿון אַ נײַער פֿאָרשטעלונג אויף ייִדיש, וועגן אַ נאַכט אין אַ ייִדישן קאַבאַרעט אין וואַרשע האַרט פֿאַר דער צווייטער וועלט־מלחמה. די וועלט־פּרעמיערע פֿון דער פּיעסע איז פֿאָרגעקומען בײַם „ייִדישן זומער אין ווײַמער“.
דער סצענאַר פֿון דער פּיעסע, „די לעצטע נאַכט בײַם ייִתּוש“, אָנגעשריבן פֿונעם באַקאַנטן שרײַבער מײַקל וועקס, קומט פֿאָר בײַם „קאַבאַרעט ייִתּוש“ אין וואַרשע, דעם 15טן מאַרץ 1938. די צענזור האָט ערשט מודיע געווען די אַקטיאָרן, אַז די פֿאָרשטעלונג יענע נאַכט וועט זײַן זייער לעצטע. צוליב דעם וואָס די אַרטיסטן האָבן שוין סײַ־ווי באַקומען וויזעס צו פֿאַרלאָזן דאָס לאַנד, באַשליסן זיי אַז אויף יענער לעצטער פֿאָרשטעלונג וועלן זיי דווקא פֿאָרשטעלן מאַטעריאַלן וואָס די צענזור האָט פֿאַרווערט, אין איינעם מיט דעם קאַבאַרעטס גרעסטע שלאַגערס און פּאָפּולערסטע סקיצעס.
„די לעצטע נאַכט בײַם ייִתּוש“ נעמט אַרײַן קאַבאַרעט־לידער פֿון די 1930ער יאָרן, הומאָריסטישע סקעטשן, ייִדישע באַאַרבעטונגען פֿון אינטערנאַציאָנאַלע שלאַגערס און וואָדוויל־אַקטן, ווי אויך מער קאָנטראָווערסאַלע מאַטעריאַלן ווי „דער לעצטער ייִד אין פּוילן“ — וועקסעס שילדערונג פֿון אַן אמתן סקעטש וואָס צוליב אים האָט מען פֿאַרשלאָסן אַ ייִדישן קאַבאַרעט אין 1938. צוליב דעם וואָס די אַרטיסטן פֿײַפֿן זיך אויס אויף דער צענזור טרעטן זיי אויך אויף מיט גאַנץ שאָקירנדיקע מאַטעריאַלן ווי, למשל, וויצן וועגן היטלערן.
אין דער פּיעסע, וואָס וועט אויפֿגעפֿירט ווערן אין „האַרבערפֿראָנט־צענטער טעאַטער“ אין טאָראָנטאָ, וועלן אויפֿטרעטן שיין בייקער, דניאל קאַהן, סוועטאַ קונדיש און סאַשאַ לוריא, אונטער דער מוזיקאַלישער דירעקציע פֿון פּאַטריק פֿאַרעל.
די פּראָדוקציע ווערט געשטיצט פֿון דער פֿונדאַציע פֿאַר ייִדישער בילדונג און קולטור אויפֿן נאָמען פֿון שׂימחה און פֿרידע סימכאָוויטש.
כּדי צו קויפֿן בילעטן גיט אַ קוועטש דאָ.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
