Skip To Content
Get Our Newsletter
JEWISH. INDEPENDENT. NONPROFIT.

Support the Forward

Funded by readers like you DonateSubscribe

אָנלײַן־פֿײַערונג לכּבֿוד שלום אַש וועט הײַיאָר אַרײַננעמען אַ טריוויע־פֿאַרמעסט וועגן דעם שרײַבערOnline celebration of Sholem Asch to include trivia game on the writer

מע וועט טראַנסמיטירן אויסצוגן פֿון נײַע טעאַטראַלע אינסצענירונגען פֿונעם דראַמאַטורגס ווערק און דערציילן וועגן הומאָריסטישע מאָמענטן אין זײַן לעבן.

שוין צום דריטן מאָל אָרגאַניזירט מען אינעם מיטוואָך וואָס פֿאַלט אויס זיבן וואָכן פֿאַר פּאַסכע אַ פּראָגראַם לכּבֿוד דעם שרײַבער און דראַמאַטורג שלום אַש. הײַיאָר טרעפֿט זיך, אַז יענעם טאָג איז מיטוואָך, דעם 17טן פֿעברואַר.

פֿאַר וואָס דווקא דעם מיטוואָך זיבן וואָכן פֿאַר פּאַסכע? בײַ די קריסטן איז דאָס „אַש־מיטוואָך“ — אַ חגא ווען מע זאָגט זיך אָפּ פֿון כּל־המינים פֿאַרווײַלונגען און אַ סך פֿון זיי גייען אין קלויסטער יענעם טאָג וווּ מע טוט טאַקע אַרויף אַ שמיר אַש בײַ זיי אויפֿן שטערן. דעריבער האָט דוד מאַזאָווער, דער ביבליאָגראַף בײַם „ייִדישן ביכער־צענטער“ און אַן אור־אייניקל פֿון שלום אַש, באַשלאָסן, אין איינעם מיט שיין בייקער, דעם דירעקטאָר פֿונעם „ייִדישן קולטור־קאָנגרעס“, צו מאַכן אין דעם טאָג אַ ”יום־טובֿ“ לכּבֿוד שלום אַשן.

די פּראָגראַם וועט אָנגעפֿירט ווערן דורך שיין בייקער און דוד מאַזאָווער, אין איינעם מיט דער אַקטריסע, טעאַטער־פֿאָרשערין און איבערזעצערין קאַראַיִד אָברײַען. עס וועלן זיך אויך באַטייליקן אַרטיסטן פֿון ישׂראל, פּוילן, אַרגענטינע, קאַנאַדע און אַמעריקע. מע וועט פֿאָרשטעלן טעאַטראַלע סקיצן, שפּילן מוזיק, זינגען לידער, און מאַכן אַ טריוויע־קאָנקורס וועגן דעם גרויסן שרײַבער.

בײַ דער געלעגנהייט וועט מען אויך ווײַזן אַן אויסצוג פֿונעם תּל־אָבֿיבֿער קאמרי־טעאַטערס נײַער אינסצענירונג פֿון „גאָט פֿון נקמה“ און איבערגעבן הומאָריסטישע מאָמענטן אינעם לעבן פֿונעם גרויסן שרײַבער.

מע וועט אויך ווײַזן אַן אויסצוג פֿון אַשעס ווייניק־באַקאַנטער פּיעסע „משיחס צײַטן“, אין קאַראַיִד אָ׳ברײַענס ענגלישער איבערזעצונג מיטן טיטל ”אויפֿן וועג קיין ציון“.

די פּראָגראַם, וואָס איז בחינם, הייבט זיך אָן 2:30 נאָך מיטאָג ניו־יאָרקער צײַט. מע וועט אים טראַנסמיטירן אָנלײַן דורך פֿייסבוק און שפּעטער שטעלן אויף יוטוב.

Dive In

    Engage

    • SHARE YOUR FEEDBACK

    • UPCOMING EVENT

    Republish This Story

    Please read before republishing

    We’re happy to make this story available to republish for free under an Attribution-Non Commercial-No Derivatives Creative Commons license as long as you follow our republishing guidelines, which require that you credit Foward and retain our pixel. See our full guidelines for more information.

    To republish, copy the HTML, which includes our tracking pixel, all paragraph styles and hyperlinks, the author byline, and credit to Foward. Have questions? Please email us at help@forward.com.

    We don't support Internet Explorer

    Please use Chrome, Safari, Firefox, or Edge to view this site.