„דזשעפּאַרדי‟ גיט אָפּ אַ גאַנצע קאַטעגאָריע דעם ייִדישן טעאַטער‘Jeopardy’ devotes entire category to Yiddish theater
צווישן די פֿראַגעס: וועלכער ייִדישער יום־טובֿ איז פֿאַרבונדן מיטן בראשית פֿונעם ייִדישן טעאַטער?
Graphic by Angelie Zaslavsky
פֿאַראַכטאָגן דאָנערשטיק האָט די פּאָפּולערע טעלעוויזיע־שפּיל, „דזשעפּאַרדי‟, אָפּגעגעבן אַ גאַנצע קאַטעגאָריע דעם ייִדישן טעאַטער — אַ מערקווירדיקע געשעעניש, נעמענדיק אין באַטראַכט אַז בערך 8.7 מיליאָן מענטשן קוקן די פּראָגראַם יעדן אָוונט.
במשך פֿון יענער וואָך זענען אַלע שפּילער געווען קאָלעדזש־פּראָפֿעסאָרן און דער קאָנפֿעראַנסיע — די אַקטריסע מים (מאַיִם) ביאַליק.
דזשולי וויליאַמס, אַן ענגליש־פּראָפֿעסאָרין בײַם „ראָז־הולמאַן טעכנאָלאָגישן אינסטיטוט‟ אין אינדיאַנע האָט אויסגעקליבן די ערשטע פֿראַגע אין דער קאַטעגאָריע, אָבער דער אמתער מומחה דאָ איז געווען עד האַשימאַ, אַ געשיכטע־פּראָפֿעסאָר בײַם „אַמעריקאַן ריווער קאָלעדזש‟ אין סאַקראַמענטאָ, קאַליפֿאָרניע.
דער שפּילער, עד האַשימאַ, גרייט זיך צו ענטפֿערן אויף איינער פֿון די פֿראַגעס וועגן ייִדישן טעאַטער.
ער האָט ריכטיק אידענטיפֿיצירט די פּיעסע, „דעם ייִדישן קעניג ליר‟; געוווּסט וועלכער ייִדישער יום־טובֿ איז פֿאַרבונדן מיטן בראשית פֿון ייִדישן טעאַטער (פּורים); ריכטיק געענטפֿערט ווער ס׳איז געווען מאַרלאָן בראַנדאָס טעאַטער־לערער (סטעלאַ אַדלער, פֿון דער באַרימטער ייִדישער אַקטיאָרן־משפּחה אַדלער); און אויך געוווּסט אַז דאָס ייִדישע ליד „ווען איך בין אַ ראָטשילד‟ איז די איבערזעצונג פֿונעם באַרימטן ליד פֿון „פֿידלער אויפֿן דאַך‟ — If I Were a Rich Man.
די איינציקע פֿראַגע וואָס קיינער האָט נישט געוווּסט דעם ענטפֿער דערפֿון איז געווען, וואָס האָט די פֿרוי אין דער פּיעסע „כאַנטשע אין אַמעריקע‟ זיך געוואָלט אויסלערנען. דער ריכטיקער ענטפֿער איז „שאָפֿירן‟.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
