ווידעאָ: אַ שמועס מיט דער קעכין און מומחה פֿון דער ייִדישער קיך, איוו יאָכנאָוויץVIDEO: Chatting with chef and Yiddish food scholar Eve Jochnowitz
די ייִדיש־ליגע האָט לעצטנס אַרויסגעלאָזט אַ ווידעאָ פֿון אַ שמועס מיט ד״ר איוו יאָכנאָוויץ, דער באַקאַנטער פֿאָרשערין פֿון דער ייִדישער קיך און אַליין אַ גורמע־קעכין, וואָס ווײַזט ווי אָפּצוריכטן פֿאַרשידענע אַשכּנזישע, וועגעטאַרישע מאכלים, אין איינעם מיט דער פֿאָרווערטס־רעדאַקטאָרין שׂרה־רחל שעכטער, אויף דער קאָכפּראָגראַם „עסט געזונטערהייט“.
דער שמועס ווערט געפֿירט אויף ייִדיש דורכן פּראָגראַם־דירעקטאָר פֿון דער ייִדיש־ליגע, אלי בענעדיקט, ווי אַ טייל פֿון דער ווידעאָ־סעריע, „ייִדיש הײַנט‟.
אינעם ווידעאָ רעדט יאָכנאָוויץ וועגן איר באַציִונג צו ייִדישע מאכלים, אירע איבערזעצונגען פֿון ייִדיש־שפּראַכיקע קאָכביכער און אַפֿילו וועגן אַ טשיקאַווער „וועגעטאַרישער מצבֿה“.