בני מער און מענדי כּהנא באַערט פֿאַר זייער צושטײַער צו ייִדיש־קולטור אין ישׂראלBenny Mer and Mendy Cahan honored for promoting Yiddish culture in Israel
די פּרעמיעס האָט מען אויסגעטיילט אינעם פּרעזידענטס רעזידענץ אין ירושלים.
Graphic by Angelie Zaslavsky
בני מער און מענדי קאַהאַן באַקומען פּריזן פֿאַר זייער צושטײַער צו ייִדיש־קולטור אין ישׂראל
די פֿאַרגאַנגענע וואָך האָט מען אין דער רעזידענץ פֿונעם ישׂראלדיקן פּרעזידענט אין ירושלים אויסגעטיילט לעבנסווערק־אויסצייכענונגען צו צוויי אָנגעזעענע פֿיגורן וואָס האָבן אַ סך צוגעגעבן צו דער ייִדיש־קולטור אין ישׂראל — בני מער און מענדי כּהנא.
די פּרעמיעס זענען צוגעטיילט געוואָרן דורך דער נאַציאָנאַלער אינסטאַנץ פֿאַר ייִדיש. מיט דער צערעמאָניע האָט אָנגעפֿירט דער פּרעזידענט יצחק הערצאָג אַליין.
ווי אַ צוגאָב האָט די אינסטאַנץ געשאַפֿן יוטוב־ווידעאָס, וווּ די צוויי געווינערס דערציילן אַ ביסל וועגן זייער לעבן און צילן אין זייער קולטור־אַרבעט לטובֿת דער ייִדישער שפּראַך און קולטור.
בני מער איז אַ ייִדישער פֿאָרשער, איבערזעצער און דער מחבר פֿונעם בוך (אויף העברעיִש) „סמאָטשע: די ביאָגראַפֿיע פֿון אַ ייִדישער גאַס אין וואַרשע“. אַ געוועזענער רעדאַקטאָר פֿון אַרטיקלען וועגן דער ייִדישער און העברעיִשער ליטעראַטור בײַ דער צײַטונג „האָרץ“, שרײַבט ער הײַנט אויף ייִדיש פֿאַרן פֿאָרווערטס.
מענדי כּהנא איז אַ טאַלאַנטירטער זינגער, אַקטיאָר און דער גרינדער פֿון דער פּאָפּולערער אָרגאַניזאַציע „יונג ייִדיש“ אין תּל־אָבֿיבֿ, וואָס ציט שוין יאָרן לאַנג צו אַ סך יונגע לײַט און וואָס אינעם לאָקאַל געפֿינט זיך אַן אויסערגעוויינטלעכע ביבליאָטעק פֿון ייִדישע ביכער.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
