דער פֿאָרווערטס לאַנצירט אַן אַלוועלטלעכן קאַלענדאַר פֿאַר חובֿבֿי־ייִדישThe Forverts launches a global events calendar for Yiddish fans
Image by Zachary Golden
זינט דער גרינדונג פֿון אונדזער בולעטין, „ייִדיש־בריוו“, האָבן מיר אין יעדן „נומער“ געמאָלדן די פּרטים פֿון עטלעכע קומעדיקע אונטערנעמונגען פֿאַרבונדן מיט ייִדיש — בפֿרט לעקציעס און קאָנצערטן.
צוליב דעם וואָס ס׳איז אָבער בלויז דאָ אָרט אַרײַנצושטעלן די פּרטים פֿון צוויי־דרײַ געשעענישן מיט אַ מאָל, איז עס פּשוט נישט געווען מעגלעך אויסצורעכענען אַלע אונטערנעמונגען וואָס פּאַסן פֿאַר אַ בולעטין וועגן דער ייִדישער שפּראַך און קולטור.
דערפֿאַר האָבן מיר איצט געשאַפֿן דעם „גלאָבאַלן ייִדיש־קאַלענדאַר“ — אַן אָרט וווּ איר קענט געפֿינען די פּרטים פֿון סײַ ווירטועלע געשעענישן, סײַ אונטערנעמונגען וואָס קומען פֿאָר אויפֿן אָרט; סײַ די וועלכע ווערן דורכגעגעפֿירט אויף ענגליש סײַ די אויף ייִדיש. דעם קאַלענדאַר קענט איר געפֿינען אויף דער פֿאָרווערטס־וועבזײַט, און מע וועט אויך אַרײַנשטעלן דעם לינק דערצו אין יעדן „ייִדיש־בריוו“.
איר קענט אויך צושטעלן דעם קאַלענדאַר צו דער רשימה פֿון אײַערע באַליבטסטע וועבזײַטלעך.
די פֿאַרגאַנגענע וואָך, נאָך דעם ווי מיר האָבן אַרויסגעשיקט אַ בליצבריוו וועגן דער איניציאַטיוו צו אַ צאָל ייִדיש־אָרגאַניזאַציעס און ייִדיש־לערער, האָבן אַ סך פֿון זיי געענטפֿערט מיט באַגײַסטערונג וועגן דעם און בײַגעלייגט די פּרטים פֿון זייערע אייגענע קומעדיקע אונטערנעמונגען.
סוף־כּל־סוף וועט מען קענען „טרעפֿן“ די גאַנצע ייִדיש־וועלט אויף איין זײַט!
אויב איר אָדער אײַער גרופּע וויל מעלדן וועגן אַ געוויסן געשעעניש, זײַט אַזוי גוט שיקט אַ בליצבריוו דעם וויצע־רעדאַקטאָר פֿונעם פֿאָרווערטס, זכריה גאָלדען, אויף דעם אַדרעס [email protected] אָדער שטעלט אויס דעם פֿאָרמולאַר.
כּדי צו באַקומען דעם „ייִדיש־בריוו“ יעדן זונטיק, גיט אַ קוועטש דאָ.
A message from Forverts editor Rukhl Schaechter
I hope you appreciated this article. Before you move on, I wanted to ask you to support the Forverts' 127-year legacy — and its bright future.
In the past, the goal of the Forverts was to Americanize its readers, to encourage them to learn English well and to acculturate to American society. Today, our goal is the reverse: to acquaint readers — especially those with Eastern European roots — with their Jewish cultural heritage, through the Yiddish language, literature, recipes and songs.
Our daily Yiddish content brings you new and creative ways to engage with this vibrant, living language, including Yiddish Wordle, Word of the Day videos, Yiddish cooking demos, new music, poetry and so much more.
— Rukhl Schaechter, Yiddish Editor
