ווידעאָ: אַ ייִדיש־וואָך לעבן דער אָזערע אינעם פּוילישן שטעטל זעגזשינעקVIDEO: A Yiddish week in the lakeside town of Zegrze, Poland
עטל ניבאָרסקיס באַריכט שילדערט ווי די סבֿיבֿה האָט אַרויסגערופֿן שמועסן וועגן דער געשיכטע און צוקונפֿט פֿון ייִדיש־קולטור אין פּוילן
Graphic by Angelie Zaslavsky
במשך פֿון אַ גאַנצער וואָך דעם זומער האָט מען אין אַ פּויליש שטעטל געשפּילט, געלערנט, געזונגען, געשוווּמען און געחלומט אין גאַנצן אויף מאַמע־לשון.
די אונטערנעמונג, דער „ייִדיש־מאַראַטאָן“, וואָס איז פֿאָרגעקומען פֿונעם 14טן ביזן 20סטן אויגוסט, האָט אָרגאַניזירט דער פּאַריזער ייִדיש־צענטער. במשך פֿון די זיבן טעג האָבן צענדליקער אָנטייל־נעמער פֿון דער גאָרער וועלט אָנגעפֿילט דאָס פּוילישע שטעטל זעגזשינעק מיט לעבעדיקע, פֿאַרשיידן־אַקצענטיקע, ייִדישע קלאַנגען.
דאָס וואָס די אונטערנעמונג איז פֿאָרגעקומען דווקא אין פּוילן, אַ ספּעציעל אָנגעלאָדן אָרט פֿאַר דער ייִדישער קולטור אין אַלגעמיין און פֿאַר אַ ריי מאַראַטאָניסטן פּערזענלעך, האָט געשאַפֿן גאָר באַזונדערע איבערלעבונגען בײַ די באַטייליקטע. דורכן אומפֿאַרמיטלטן קאָנטאַקט מיט דער אַרומיקער סבֿיבֿה, האָבן זיי פֿאַרברייטערט זייערע ידיעות און השׂגות סײַ לגבי דער געשיכטע און סײַ לגבי דער צוקונפֿט פֿון דער ייִדישער קולטור אינעם לאַנד. הערט זיך צו ווי עטל ניבאָרסקי, וואָס האָט אָנגעפֿירט מיט אַ קינאָ־וואַרשטאַט אויפֿן מאַראַטאָן, און אַ ריי אַנדערע מאַראַטאָניסטן באַשרײַבן אין אַ דירעקטן ווידעאָ־באַריכט זייער רושם פֿון דער וואָך אין זעגזשינעק.
דעם פֿילם־באַריכט האָט רעזשיסירט און צונויפֿגעשטעלט עטל ניבאָרסקי.
Why I became the Forward’s editor-in-chief
You are surely a friend of the Forward if you’re reading this. And so it’s with excitement and awe — of all that the Forward is, was, and will be — that I introduce myself to you as the Forward’s newest editor-in-chief.
And what a time to step into the leadership of this storied Jewish institution! For 129 years, the Forward has shaped and told the American Jewish story. I’m stepping in at an intense time for Jews the world over. We urgently need the Forward’s courageous, unflinching journalism — not only as a source of reliable information, but to provide inspiration, healing and hope.
— Alyssa Katz, editor-in-chief
Support our mission to tell the Jewish story fully and fairly.
