Skip To Content
JEWISH. INDEPENDENT. NONPROFIT.
Yiddish

הרבֿ משה וואָלפֿסאָן, באַליבטער מנהל פֿון „ישיבֿת תּורה ודעת“, איז אַוועק Rabbi Moshe Wolfson, popular spiritual leader of Yeshiva Torah Vodaath, has died

ער האָט זיך געהאַלטן פֿאַר אַ חסיד פֿון סקווער, סטאָלין און מאָדזשיץ אָבער אויך געווען נאָענט מיטן ליובאַוויטשער רבין.

הרבֿ משה וואָלפֿסאָן — דער גײַסטיקער פֿירער פֿון „ישיבֿת תּורה ודעת“ אין ברוקלין, וואָס האָט צוגעצויגן חסידים איבער דער וועלט דורך זײַנע שיעורים און ספֿרים — איז מוצאי־שבת געשטאָרבן אין עלטער פֿון 99 יאָר.

ער האָט זיך געהאַלטן פֿאַר אַ חסיד פֿון סקווער, סטאָלין און מאָדזשיץ.

דער רבֿ איז געווען אַקטיוו ביזן סוף. זײַן לעצטן דבֿר־תּורה האָט ער געהאַלטן אין „תּורה ודעת“ ל״ג־בעומר. דעם 22סטן יוני, שבת נאָך מיטאָג, איז ער אַראָפּגעפֿאַלן אין זײַן שטוב. מע האָט אים געפֿירט אין מאַונט סיני שפּיטאָל, אָבער ער איז במשך פֿון אַ קורצער צײַט ניפֿטר געוואָרן.

טויזנטער ייִדן זענען בײַגעווען אויף זײַן לוויה אין באָראָ־פּאַרק זונטיק צו פֿרי, איידער מע האָט געפֿירט זײַן אָרון קיין ארץ־ישׂראל און אים געבראַכט צו קבֿורה אינעם אַלטן בית־עולם אין טבֿריה, לעבן זײַן רביצין מלכּה דבֿורה, וואָס איז געשטאָרבן מיט דרײַ יאָר צוריק.

הרבֿ וואָלפֿסאָנס לעקציעס אויף ענגליש און ייִדיש און זײַנע ספֿרים זענען געווען שטאַרק פּאָפּולער סײַ בײַ תּלמידי־חכמים סײַ בײַם ברייטן עולם. אין זײַן ענגליש בוך „קוואַלן פֿון אמונה“ (Wellsprings of Faith) האָט ער אויפֿן סמך פֿונעם זוהר, מדרשים, מוסר און חסידישע שריפֿטן אַרומגערעדט פֿאַרשידענע קשיות וועגן אמונה און ווי מע קען פֿאַרטיפֿן דעם גלויבן אינעם אייבערשטן.

הרבֿ וואָלפֿסאָן איז געבוירן געוואָרן אין ניו־יאָרק אין 1927 און האָט זיך געלערנט אין ישיבֿת תּורה ודעת. אַ נאָענטער תּלמיד פֿון הרבֿ שרגא פֿײַוול מענדלאָוויץ און הרבֿ יעקבֿ קאַמענעצקי, האָט ער אין שפּעטערע יאָרן זיך אומגעקערט אין תּורה ודעת ווי איר משגיח רוחני (גײַסטיקער פֿירער), לייגנדיק דעם טראָפּ אויפֿן דאַווענען מיט כּוונה און דער שיינקייט פֿונעם קאַרלינער חסידות.

ער האָט אויך לאַנגע יאָרן געדינט ווי דער רבֿ פֿונעם זומער־לאַגער „קעמפּ תּורה ודעת“, אין קינגסטאָן, ניו־יאָרק, וווּ אַ גרופּע פֿון זײַנע געטרײַע תּלמידים האָבן שפּעטער געגרינדעט די שיל „אמונת ישׂראל“ אין באָראָ־פּאַרק, מיט הרבֿ וואָלפֿסאָן ווי דער רבֿ.

במשך פֿון די יאָרן האָט ער זיך אָפֿט געטראָפֿן מיט חסידישע רביים אין וויליאַמסבורג, וווּ ער האָט אָנגעקניפּט וואַרעמע באַציִונגען מיט זיי. לויט דער חב”ד־וועבזײַט איז הרבֿ וואָלפֿסאָן אויך געווען נאָענט מיטן ליובאַוויטשער רבין. ער האָט מנחם־אָבֿל געווען דעם רבין נאָך דער פּטירה פֿון זײַן פֿרוי חיה מושקע שנאירסאָן, און איז יעדעס יאָר אין די טעג פֿאַר יום־כּיפּור געפֿאָרן מיט זײַן פֿרוי אין 770 איסטערן פּאַרקוויי, כּדי צו באַקומען פֿונעם רבין אַ שטיקל לעקעך, אַ דאָלער און אַ ברכה פֿון אים.

A message from Forverts editor Rukhl Schaechter

I hope you appreciated this article. Before you move on, I wanted to ask you to support the Forverts' 127-year legacy — and its bright future.

In the past, the goal of the Forverts was to Americanize its readers, to encourage them to learn English well and to acculturate to American society. Today, our goal is the reverse: to acquaint readers — especially those with Eastern European roots — with their Jewish cultural heritage, through the Yiddish language, literature, recipes and songs.

Our daily Yiddish content brings you new and creative ways to engage with this vibrant, living language, including Yiddish Wordle, Word of the Day videos, Yiddish cooking demos, new music, poetry and so much more.

—  Rukhl Schaechter, Yiddish Editor

Support the Yiddish Forverts with a generous gift to the Forverts today!

Dive In

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.