ווירטועלע ייִדיש־קורסן וועגן טעאַטער, גנבֿים און, להבֿדיל, די פּרשיותOnline Yiddish courses about the theater, thieves and the weekly Torah portion
די ייִדיש־פּראָגראַם פֿונעם אַרבעטער־רינג נעמט אויך אַרײַן באַשעװיס־זינגערס „מײַן טאַטנס בית־דין־שטוב“
יצחק ניבאָרסקי וועט לערנען אַ קלאַס וווּ מע וועט לייענען די שריפֿטן פֿון דער באַרימטער אַקטריסע אסתּר רחל קאַמינסקי. אויפֿן בילד: די אַקטריסע אין 1920 Photo by Getty Images
אונטערװעלטניקעס, „שרײַבנדיקע שטערן“ און די פּרשיות — דאָס זענען בלויז עטלעכע טעמעס פֿון די פֿופֿצן ווײַטהאַלטער ייִדיש־קורסן געלערנט דורכן אַרבעטער־רינג דעם האַרבסט־זמן. די קורסן וועלן לערנען אָנגעזעענע פּראָפֿעסאָרן און מומחים פֿון איבער דער װעלט.
מע קען זיך פֿאַרטיפֿן אין דער ייִדישער שפּראַך מיטן שפּראַכפֿאָרשער יצחק ניבאָרסקין דורך די װערק פֿון שטערן פֿון ייִדישן טעאַטער און דער מוזיק־װעלט װי ,למשל, אסתּר רחל קאַמינסקאַ קאַמינסקאַ און יוסף רומשינסקי. די זכרונות פֿון טעאַטער־פּערזענלעכקייטן און מוזיקערס װעלן געבן די סטודענטן אַ פֿאַרכאַפּנדיקן בליק אין דער אַנטװיקלונג פֿון ייִדישער מוזיק און בינעקונסט.
אויב מע וויל בעסער לייענען וועגן פֿאַרברעכערס, קען מען זיך פֿאַרשרײַבן אויף קאָליע באָראָדולינס קורס װעגן שלום אַשעס ראָמאַן „מאָטקע גנבֿ“ װעגן דער װאַרשאַװער אונטערװעלט. צוזאַמען מיטן בוך גופֿא װעט קאָליאַ װײַזן אי היסטאָרישע און אַריכיװאַלישע דאָקומענטן, אי לידער װאָס שילדערן די גנבֿים־װעלט אין מיזרח־אייראָפּע.
אָבער אויב מע װיל לאָזן אויף איין זײַט די עבֿירות, און זיך גיכער פֿאַרנעמען מיט רוחניות, איז דאָ שבֿע צוקערס קורס װעגן פּרשה־פּאָעזיע. מע װעט לייענען די סדרה פֿון דער װאָך אין יהואשס איבערזעצונג, צוזאַמען מיט לידער אָנגעשריבן אויפֿן סמך פֿון די פּרשיות. דאָס וועט אַרײַננעמען לידער פֿון יעקבֿ גלאַטשטיין, רחל קאָרן, איציק מאַנגער און קאַדיאַ מאָלאָדאָװסקי.
צווישן די אַנדערע טעמעס פֿון די ווײַטהאַלטער־קורסן דעם זמן:
- באַשעװיס־זינגערס מײַסטערװערק „מײַן טאַטנס בית־דין־שטוב“ (שבֿע צוקער)
- „ליטװיש ייִדיש“, וווּ מע וועט פֿאָרשן די פֿראַגעס: װי אַזוי איז ליטװיש ייִדיש געװאָרן אַזוי אַנדערש פֿון פּויליש ייִדיש? און פֿאַר װאָס האָט מען באַטראַכט דעם ליטװישן אַרויסרעד װי מער קאָרעקט? (לייזער בורקאָ)
- „יוסף אָפּאַטאָשו – תּקופֿות פֿון ייִדיש לעבן“ און ייִדישע ליטעראַרטור פֿאַר די קלאַסיקער (אַבֿרהם ליכטענבוים)
- די פּאָעזיע פֿון דוד האָפֿשטיין (יודזשין אָרענשטיין)
דעם זמן לערנט מען אויכעט צװיי מיניקורסן:
• אַ סעמינאַר װעגן ייִדיש־לערערײַ (רבֿקה מאַרגוליס)
- אַ ייִדישע פּראָזע מײַסטער־קורס, װוּ מע װעט אַרומרעדן װיכטיקע פֿאַקטאָרן פֿון שעפֿערישקייט װאָס שילדערן אָפּ דעם ייִדישן לעבן־שטייגער, לייגנדיק אַ טראָפּ אויף סלאַװישע װערטער אין דער ייִדישער שפּראַך (באָריס סאַנדלער)
צו קריגן מער אינפֿאָרמאַציע װעגן די אַװאַנסירטע קורסן און כּדי זיך צו פֿאַרשרײַבן, גיט אַ קװעטש דאָ.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
