ייִדיש־רעדער פֿאַרברענגען אין איינעם אין שיקאַגע, באָסטאָן און אַנדערע שטעטYiddish speakers having fun together in Chicago, Boston and other cities
ייִדיש־רעדער אין שטעט איבער דער וועלט קענען קריגן שטיצע צו פֿאַרברענגען פּנים־אל־פּנים אויף ייִדיש מיט אַנדערע ייִדיש־קענער
Courtesy of Yugntruf
אַ דאַנק אַ נײַער איניציאַטיוו פֿון דער אָרגאַניזאַציע יוגנטרוף, קענען גרופּעס ייִדיש־רעדער אין שטעט איבער דער וועלט באַקומען שטיצע צו פֿאַרברענגען פּנים־אל־פּנים אויף ייִדיש מיט אַנדערע ייִדיש־קענער. די שטיצע נעמט אַרײַן פֿינאַנציעלע אינצענטיוון, ווי אויך הילף בײַם פֿאַרפּירסומען די אַקטיוויטעטן.
יוגנטרוף האָט לאַנצירט די אַזוי־גערופֿענע „פֿאַרברענג גרופּעס“, נאָך דעם ווי ס’רובֿ אַנדערע ייִדיש־אָרגאַניזאַציעס האָבן צוליב דער פּאַנדעמיע איבערגעפֿירט זײערע כּוחות צום צוגרײטן ווירטועלע ייִדיש־קלאַסן, לעקציעס און געזעלשאַפֿטלעכע אונטערנעמונגען. „מיר אַלע אױף דער יוגנטרוף־פֿאַרװאַלטונג פֿאַרשטײען װי װיכטיק דאָס איז דאָס זען זיך פּנים־אל־פּנים און זיך אַדורכשמועסן מיט אַנדערע ייִדיש־רעדערס,“ האָט דערקלערט די קאַסירערקע פֿון יוגנטרוף, מינע־ליפֿשע ווישוואַנאַט.
טאַקע דערפֿאַר האַלט זי אַז די ייִדיש־װאָך וואָס יוגנטרוף פֿירט דורך יעדן זומער אין קאָפּייק, ניו־יאָרק, איז אַזוי וויכטיק. „אַ סך פֿון די ייִדיש־װאָכניקעס האָבן במשך די יאָרן אױסגעדריקט אַז ס׳װילט זיך האָבן אַזאַ מין ייִדיש־װאָך סבֿיבֿה אַ גאַנץ יאָר בײַ זיך אין די אײגענע לאָקאַלן.“
יעדער וואָס וויל אָרגאַניזירן אַ פֿאַרברענג־גרופּע אין זײַן אָדער איר שטאָט קען זיך ווענדן צו יוגנטרוף נאָך הילף. דער איינציקער תּנאי איז, אַז אַלץ מוז פֿאָרקומען אויף ייִדיש. דערצו ריכט מען זיך אַז די גרופּע וועט זיך טרעפֿן מער ווי בלויז איין מאָל, און אין בעסטן פֿאַל יעדע צוויי חדשים.
די ערשטע טרעפֿונגען זענען פֿאָרגעקומען אין 2024. „פֿאַרברענג: באָסטאָן“ האָט דורכגעפֿירט, בשותּפֿות מיטן באָסטאָנער אַרבעטער־רינג, אַ ייִדיש־זינגערײַ מיט דער זינגערין עדה העטקאָ, און שפּעטער אין יאָר — אַ בראָנטש און דערנאָך אַ פּיקניק.
„פֿאַרברענג: שיקאַגע“ האָט פֿאַרבראַכט אַ טאָג בײַ דער פּלאַזשע און אַן עקסקורסיע אין זאָאָלאָגישן גאָרטן — ביידע מיט דער באַטייליקונג פֿון ייִדיש־רעדנדיקע משפּחות; ווי אויך אַ ייִדיש־לחײם־שעה וואָס איז, אַוודאי, געווען בלויז פֿאַר דערוואַקסענע.
„פֿאַרברענג: מישיגען“ האָט געהאַלטן אַ פּיקניק אויפֿן קאַמפּוס פֿונעם מישיגענער אוניווערסיטעט.
אַ פּנים, איז דער איניציאַטיוו אַ הצלחהדיקע ווײַל אַלע גרופּעס האָבן שוין אָנגעהויבן אָרגאַניזירן אַקטיוויטעטן אויף 2025. אין די קומעדיקע וואָכן וועט „פֿאַרברענג: מאָנטרעאַל“ זיך טרעפֿן כּדי צו שפּילן פֿאַרשידענע ברעטשפּילן; „פֿאַרברענג: טאָראָנטאָ“ װעט אַרױספֿאָרן אין קעניגלעכן טאָראָנטאָ־מוזײ צו זען די אױשװיץ־אױסשטעלונג בעת „פֿאַרברענג: באָסטאָן“ פּלאַנירט אַן אַרױספֿאָר אינעם האַרװאַרד־קונסטמוזײ.
ייִדיש־רעדער וואָס ווילן אָנהייבן אַ פֿאַרברענג־גרופּע אין זייער אייגענער שטאָט זאָלן זיך פֿאַרבינדן מיט מינע־ליפֿשען אויף דעם אַדרעס: [email protected]
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
