אַ ייִדיש־קורס בײַם פּאַריזער ייִדיש־צענטער, 2025 Courtesy of Maison de la culture yiddish

הײַנטיקס יאָר וועט דער אָנגעזעענער זומערקורס פֿון פּאַריזער ייִדיש־צענטער פֿאָרקומען טאַקע אין פּאַריז, פֿונעם 7טן ביזן 25סטן יולי 2025, מיט אַ רײַכער פּראָגראַם.

די לעקציעס וועלן פֿאָרקומען יעדן אינדערפֿרי אויף פֿינף מדרגות. געווענדט אינעם ניוואָ, וועט מען לייגן דעם טראָפּ אָדער אויפֿן שפּראַך־לימוד, אָדער אויף ליטעראַרישע און היסטאָרישע טעקסטן פֿון פֿאַרשיידענע צײַטן.

נאָך מיטאָג און אין אָוונט וועלן צו שטאַנד קומען פֿאַרברענג־מסיבות, קולטור־אַקטיוויטעטן (טעאַטער אויף ייִדיש, געזאַנג, אַ קאָכוואַרשטאַט, שפּאַצירן אין און אַרום פּאַריז), שמועסקרײַזן, הילף פֿאַר היימאַבעט אין אונדזער ביבליאָטעק און אַנדערע לערן־וואַרשטאַטן און רעפֿעראַטן.

Yiddish Brief

A bissel of all things Yiddish: music, cooking, books and more.

Terms(Required)

I agree to the Forward's Terms of Service and Privacy Policy

Email(Required)

צווישן די ליטעראַרישע ווערק וואָס די ווײַטהאַלטער וועלן לייענען זענען דאָן קיכאָט אין דער ייִדישער ליטעראַטור; די זכרונות פֿון גליקל האַמעל — די האַמבורגער אשת־חיל פֿון 17טן יאָרהונדערט, און פּאָעזיע פֿאַר קינדער און יוגנטלעכע געשריבן פֿון מײַסטערס פֿון ייִדישן ליד.

אַ הויכפּונקט פֿון דער הײַיאָריקער פּראָגראַם וועט זײַן דאָס אָפּמערקן די הונדערט יאָר זינט דער גרינדונג פֿון ייִוואָ (ייִדישער וויסנשאַפֿטלעכער אינסטיטוט) אין ווילנע, מיט לעקציעס פֿון דרײַ עקספּערטן אויפֿן געביט פֿון דער ייִדישער שפּראַך און דעם מיזרח־אייראָפּעיִשן ייִדנטום.

דער לינגוויסט הערשל גלעזער וועט רעדן וועגן דער אַמאָליקער פֿילאָלאָגישער סעקציע פֿונעם ייִוואָ. דער היסטאָריקער דוד פֿישמאַן וועט רעפֿערירן וועגן דעם ייִוואָ אין דער צײַט פֿון דער צווייטער וועלט־מלחמה, און די היסטאָריקערין עליסאַ בן־פּורת וועט רעדן וועגן ייִוואָ אין די אויגן פֿון סאָוועטן־פֿאַרבאַנד אין די 1920ער יאָרן.

נאָך מער אינפֿאָרמאַציע און כּדי זיך צו פֿאַרשרײַבן אין דער פּראָגראַם גיט אַ קוועטש דאָ.

A message from our Publisher & CEO Rachel Fishman Feddersen

I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.

This year, we have stood together in strength and sorrow. Our Forward team has worked around the clock to help you find clarity amid the chaos.

At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.

Readers like you make it all possible. Support our work by becoming a Forward Member and connect with our journalism and your community.

—  Rachel Fishman Feddersen, Publisher and CEO

Join our mission to tell the Jewish story fully and fairly.

$36 $500

$120 $180 Other amount