קאַבאַרעט אין מעלבורן: די לידער פֿון ייִדישע פּאָעטעסעס — מיט נײַער מוזיקCabaret in Melbourne: Works of Yiddish women poets set to music
די לידער וועלן אַרײַננעמען ווערק פֿון אַננאַ מאַרגאָלין, רחל קאָרן, קאַדיע מאָלאָדאָווסקי און די מעלבורנער פּאָעטעסע, הינדע בורשטין.
Image by Kadimah
דער ייִדישער טעאַטער קומט צוריק אין מעלבורן!
פֿונעם 21סטן ביזן 25סטן יולי 2021, וועט מען אינעם טעאַטער־זאַל בײַ „קדימה‟ פּרעמירן אַ קאַבאַרעט אויף ייִדיש, וואָס שילדערט די ליבעס, פֿאַרלוסטן און נצחונות פֿון ייִדיש־רעדנדיקע פֿרויען.
אינעם קאַבאַרעט, „דורך אַ מאָדנעם גלאָז‟, וועט מען פֿאָרשטעלן לידער אָנגעשריבן פֿון ייִדישע פּאָעטעסעס במשך פֿון די פֿאַרגאַנגענע הונדערט יאָר; צווישן זיי — אַננאַ מאַרגאָלין, רחל קאָרן, ציליע דראָפּקין, קאַדיע מאָלאָדאָווסקי און די מעלבורנער פּאָעטעסע, הינדע בורשטין. צום טעקסט פֿון די לידער האָט מען לעצטנס צוגעפּאַסט נײַע עלעקטראָנישע מוזיק פֿונעם קאָמפּאָזיטאָר דזשאָש אייבראַהאַמס. דאָס וועט זײַן דאָס ערשטע מאָל וואָס מע וועט הערן די ווערק פֿון די פֿרויען ווי זינגלידער.
דער קאַבאַרעט איז פּראָדוצירט געוואָרן דורך דער דראַמאַטורגין און אַרטיסטין, גלית קלאַס, און אייבראַהאַמס. דער רעזשיסאָר איז גאַרי אייבראַהאַמס.
די פֿאָרשטעלונגען וועלן פֿאָרקומען דעם 21סטן, 22סטן און 24סטן יולי, 7:30 אין אָוונט, און דעם 25סטן — סײַ 2:00 נאָך מיטאָג, סײַ 7:30 אין אָוונט.
כּדי צו באַשטעלן בילעטן, גיט אַ קוועטש דאָ.
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
