Banquet by the Forward

אַן אינצידענט מיטן קאָנטראָווערסאַלן רעדאַקטאָר פֿון „סאָוועטיש־היימלאַנד‟ (מיט אוידיאָ)

An incident with the controversial editor of “Sovetish Heymland” (includes audio)

מע קען זיך צוהערן צו אַנדערע אַרטיקלען פֿונעם פֿאָרווערטס פֿאָרגעלייענט דורך שׂרה־רחל שעכטער, ווי אויך אַנדערע פֿאָרווערטס־רעקאָרדירונגען, דורכן קוועטשן דאָ.


אין די 1970ער, ווען איך בין נאָך געווען אַ בחור, בין איך איין מאָל געפֿאָרן מיט דער מאַמען אויף אַ טרעפֿונג פֿונעם ייִדישן „פּען‟־קלוב אין מאַנהעטן.

פּלוצלינג האָט זיך בײַם אַרײַנגאַנג באַוויזן אַן אומגעריכטער גאַסט: דער קאָנטראָווערסאַלער רעדאַקטאָר פֿון „סאָוועטיש היימלאַנד‟, אַהרן ווערגעליס, איז געהאַט געקומען פֿון מאָסקווע אויף אַ באַזוך אין ניו־יאָרק און געוואָלט בײַזײַן אויף אַ ליטעראַרישער ייִדישער אונטערנעמונג.

שפּרינגט אויף דער שרײַבער, חיים פּלאָטקין (דווקא באַקאַנט ווי אַ לינק־געשטימטער) — אַ געזונטער ייִד, וועלכער האָט געהאַט געדינט אין דער אַמעריקאַנער אַרמיי, לויפֿט צו צום אַרײַנגאַנג און בלאָקירט ווערגעליסן דעם וועג.

„איר וועט נישט אַרײַן!‟ האָט ער אויסגעשריגן.

די אַנדערע ייִדישע שרײַבער אין זאַל, שוין עלטער און שוואַכער, האָבן זיך נישט געקענט אַנטקעגנשטעלן פּלאָטקינען, האָבן זיי זיך אָבער געבעטן בײַ אים: „לאָזט אים אַרײַן!‟

פּלאָטקין האָט זיך אָבער נישט גערירט פֿון אָרט און דער גאַסט האָט פֿאַרלאָזט דעם זאַל.

אַן אינצידענט מיטן קאָנטראָווערסאַלן רעדאַקטאָר פֿון „סאָוועטיש־היימלאַנד‟ (מיט אוידיאָ)

Recommend this article

אַן אינצידענט מיטן קאָנטראָווערסאַלן רעדאַקטאָר פֿון „סאָוועטיש־היימלאַנד‟ (מיט אוידיאָ)

Thank you!

This article has been sent!

Close