טשיקאַוועסן: אַ קו פֿאַרבלאָנדזשעט זיך אין אײַזנקראָם • 98־יאָריקע פֿרוי איז עולה קיין ישׂראלTidbits: Cow blunders through hardware store • 98-year-old woman makes aliyah
דער אינצידענט, וואָס איז פֿאָרגעקומען אין אַ ישׂראלדיקן מושבֿ, האָט גורם געווען אַ גרויסן היזק.
Photo by Twitter
Tidbits is a weekly feature of easy news briefs in Yiddish that you can listen to or read, or both!
If you read the articles and don’t know a word, just click on it and the translation appears. You’ll also find the link to the article in English after each news brief.
Listen to the report here:
הערט דעם באַריכט אויף אוידיאָ דאָ:
דינסטיק האָט אַ קו אינעם מושבֿ „אמונים“ אין ישׂראל אַ פּנים זיך פֿאַרבלאָנדזשעט און אַרײַנגעלאָפֿן אין אַן אײַזנקראָם, וווּ ער האָט גורם געווען אַ היזק פֿון טויזנטער שקלים.
אין אַ ווידעאָ פֿונעם אינצידענט, זעט מען ווי די בהמה לויפֿט צווישן צוויי פּאָליצעס סחורה. מע קען הערן ווי אַ פֿרוי שרײַט אויס: „אַ קו איז אַרײַן אין געשעפֿט און האָט צעגאָסן די פֿאַרב!“
דער אייגנטימער פֿון געשעפֿט, דודו גאָלדשטיין, האָט געזאָגט אַז דאָס איז צום ערשטן מאָל וואָס אַזאַ זאַך האָט בײַ אים פּאַסירט.
„פֿייגל בלאָנדזשען אַ מאָל אַרײַן אַהער, אָבער קי — נישט,“ האָט ער געזאָגט. ער שאַצט אַז דער היזק איז מסתּמא געווען צווישן 3,000 און 4,000 שקל; דאָס הייסט, צווישן 800 און 1,100 דאָלאַר.
צו לייענען די נײַעס אויף ענגליש, גיט אַ קוועטש דאָ.
To read the news in English, click here.
•
די וואָך איז רות טאַרלאָ, אַ ייִדישע פֿרוי פֿון אויסטראַליע, אָנגעקומען אין בן־גוריון פֿליפֿעלד און געוואָרן אַ ישׂראלדיקע בירגערין. זי איז 98 יאָר אַלט — דער צווייט־עלטסטער מענטש וואָס האָט אַ מאָל עולה געווען זינט דער גרינדונג פֿון דער מדינה.
פֿרוי טאַרלאָ איז געבוירן געוואָרן אין גרויס־בריטאַניע אין 1925. זי איז דערצויגן געוואָרן אין אירלאַנד און איז געווען 23 יאָר אַלט ווען ישׂראל איז פֿאַרלייגט געוואָרן. ווען זי און איר מאַן האָבן זיך אַריבערגעצויגן קיין אויסטראַליע זענען זיי געווען צווישן די גרינדער פֿון דער ייִדישער קהילה און דער אָרטיקער שיל.
איצט איז זי אַן אַלמנה, האָט זי באַשלאָסן זיך צו באַזעצן אין ישׂראל, וווּ עס וווינען צוויי פֿון אירע קינדער. איינע איז אין הרצליה און די צווייטע — אין תּל־אָבֿיבֿ. „איך וויל זען ווי עס וועט זײַן ווען איך וווין לעבן זיי,“ האָט זי געזאָגט.
צו לייענען די נײַעס אויף ענגליש, גיט אַ קוועטש דאָ.
To read the news in English, click here.
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
