טשיקאַוועסן: נײַע איניציאַטיוו סובסידירט מתּנהלעך פֿאַר טעראָר־געליטענע אין ישׂראלTidbits: New initiative subsidizes small gifts for terror victims in Israel
Photo by rawpixel.com
Tidbits is a weekly feature of easy news briefs in Yiddish that you can listen to or read, or both!
If you read the articles and don’t know a word, just click on it and the translation appears. You’ll also find the link to the article in English after each news brief.
Listen to the report here:
צוויי נישט־פּראָפֿיטיקע אָרגאַניזאַציעס האָבן אָנגעהויבן בשותּפֿות צו סובסידירן באַשיידענע מתּנות צו העלפֿן מענטשן דורכמאַכן די ישׂראל־כאַמאַס־מלחמה.
די צוויי אָרגאַניזאַציעס זענען דער „שחרית־אינסטיטוט“ און דער אַמעריקאַנער „פֿאָנד פֿאַר נײַער פֿירערשאַפֿט“. ביז איצט האָבן זיי שוין דורכגעפֿירט אַ צאָל חסד־איניציאַטיוון. זיי האָבן געשיקט געבוירן־טאָג־טאָרטן פֿאַר אַלע קינדער וואָס זייערע משפּחות האָבן געמוזט פֿאַרלאָזן די היים. זיי האָבן אויך געבעטן וואָלונטירן פֿאָרן אין אַנדערע שטעט כּדי מנחם־אָבֿל זײַן משפּחות וואָס האָבן פֿאַרלוירן אַ קרובֿ אין די אַטאַקן, אָדער אויפֿן פֿראָנט. דערצו האָבן זיי געהאָלפֿן גײַסטיק און פֿיזיש באַגרענעצטע בעדויִנער יונגע לײַט.
די איניציאַטיוו איז לאַנצירט געוואָרן אין אָנדענק פֿון משה אוחיון, דעם 52־יאָריקער פֿאָרזיצער פֿון דער פֿאַרוואַלטונג פֿונעם „שחרית־אינסטיטוט“, וועלכער איז דערהרגעט געוואָרן דורך כאַמאַס־טעראָריסטן דעם 7טן אָקטאָבער, אין איינעם מיט זײַן זון 23־יאָריקן זון אליעד, אין אופֿקים, דרום־ישׂראל.
