ווידעאָ: ריקי רויז זינגט אַ חסידיש פּורים־ליד וועגן דעם מלך אַחשורושVideo: Riki Rose sings a Hasidic Purim song about King Ahasuerus
ריקי רויז, אַ ייִדישע זינגערין וואָס איז דערצויגן געוואָרן בײַ די סאַטמערער חסידים, האָט לעצטנס אַרויפֿגעשטעלט אַ ווידעאָ אויף אינסטאַגראַם, וווּ זי מיט איר שוועסטער מימי רויז זינגען אַ פּורים־ליד וועגן דעם מלך אַחשורוש. זי באַגלייט דאָס ליד מיט דער גיטאַר.
במשך פֿון די יאָרן האָט ריקי רויז געמאַכט אַ צאָל ווידעאָס אויף ייִדיש פֿאַרן פֿאָרווערטס, אַרײַנגערעכנט איינעם אין וועלכן זי ווײַזט ווי צו ניצן קאָזמעטיק און אַ צווייטן וווּ זי מאַכט האָלעפּצעס.
דאָס ליד קענען די שוועסטער פֿון אַן אַלבום וואָס זיי פֿלעגן אָפֿט הערן אין די קינדעריאָרן. עס דריקט אויס אַחשורושעס חרטה פֿאַרן האָבן דערהרגעט זײַן מלכּה ושתּי, זעענדיק ווי אומעטיק עס איז אים געוואָרן אָן איר.