ווידעאָ: פֿאַר וואָס מײַן בוך וועגן מײַן אייגענעם יציאת־מצרים וועט זײַן אויף ייִדישVideo: Why my book about my own ‘Exodus’ from the Hasidic community will be in Yiddish
שפֿרה־קריינדל לאָווען האָפֿט אַז איר בוך וועט העלפֿן סײַ חסידים וואָס ווילן בלײַבן אין דער קהילה, סײַ די וואָס ווילן אַוועק
Screenshot Photo by pixels.com
אין דעם ווײַטערדיקן קליפ קענט איר הערן באריכות פארוואס איך שרייב נישט מיין ערשטע אויפלאגע אויף ענגליש, ווי אויך פאר וואס איך האב געגעבן דעם בוך אזא טיטל.
כ’האב אויך אנגעשריבן א ליד פאר די וואס קלערן אז זייערע איבערלעבענישן זענען נישט ווערט צו פארשרייבן. האפנטליך וועט מיין ליד זיי אויך געבן חיזוק צו טאן וואס עס ליגט זיי אין הארצן:
געזעסן בין איך ביים פענסטער,
אין אוטובוס אויפ׳ן וועג אהיים,
אויף מיין שויס געלעגן א ביכל
פון א זינגערין וואס האט באקומען א „שם“.
די גאנצע וועלט האט געשמועסט,
וועגן איר גרויסן דורכפאל,
איר מאַן האט זי פארראטן,
ס׳איז איר געווען ביטער ווי די גאַל.
נאכדערצו: מיט איר בעסטע פריינד,
וואס איז געווען איר קאנפידאנט,
געשפילט האט יענע ווי א ״שלום בית-מאכער״ גאָר
בארוהיגט אירע זארגן [ווען זי האט געטראכט] ״אז עפעס גייט פאָר״.
כ׳האב זייער געוואלט ליינען איר מעמואר
פארשטיין וויאזוי זי האט זיך געהיילט פון אזא צער
פארלוירענע צוטרוי – האט היימיש געשפירט,
דער טעם ווען איינער וויל אין רוקן אריינשטעכן א שפיז…
די הקדמה האט אין מיר אנגעצינדן
א פלאם וואס כ׳האב נישט געוואוסט איז אין מיר
זי האט דערציילט ווי וויכטיג פאר יעדן באזונדער
צו פארשרייבן אלץ וואס זיי האבן דורכגעלעבט — אויף פאפיר.
אפילו אויב דו ווילסט נישט די וועלט זאל עס ליינען,
כאטש פאר דיינע נאנטע פריינט און משפחה,
וועט זיין א געשאנק נאך 120,
פון דיינע איבערלעבענישן לערנען הדרכה.
יענעם טאג אויפ׳ן באס האב איך איינגעזעהן,
אז ס׳נישט קיין חילוק וויפיל מענטשן וועלן עס קויפן,
מיין געשיכטע איז ווערד צו ווערן אראפגעשריבן,
זי האט מיר געהאלפן זעהן ביכער אויף אן אנדערן אופן.
אויב עס קען העלפן אפילו איין מענטש,
און מאכן גרינגער זייער לעבן,
וויאזוי קען איך זיך אפזאגן –
אזא מתנה צו געבן?
דערפאר טאקע האב איך באשלאסן,
אויף אידיש מיינע זכרונות צו שרייבן,
זאל כאטש פון אלע טרערן פארגאסן,
עפעס גוטס פאר א צווייטן בלייבן!
מיין פערזענליכע גאולה,
פון ענגשאפט לחירות
איז געקומען נאך פיל מכות
און יעצט עס איך די פירות
מיין ציל איז
אז אנדערע זאלן נישט דארפן ליידן
ס׳איז א זמן חריתינו –
און העלפן א צווייטן פילט פאר מיר ווי טעם גן עדן!
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
