פֿילאַנטראָפּ אלי הירשפֿעלד שענקט פֿאָרווערטס די אינטערנעץ־אַדרעסן Yiddish.com און Yiddish.orgPhilanthropist Eli Hirschfeld donates domains Yiddish.com and Yiddish.org to the Forward
די מתּנה וועט דערמעגלעכן מער אָנהענגערס פֿון ייִדיש צו געפֿינען די ייִדישע ווידעאָס, אַרטיקלען און שפּילן פֿונעם פֿאָרווערטס.
Photo by flickr
די פֿאַרלעגערין פֿונעם פֿאָרווערטס, רייטשעל פֿישמאַן פֿעדערסען, האָט מאָנטיק געמאָלדן אַז די צײַטונג האָט באַקומען די אינטערנעץ־אַדרעסן Yiddish.com און Yiddish.org ווי אַ מתּנה פֿונעם פֿונאַנדערבויער און פֿילאַנטראָפּ אלי הירשפֿעלד און זײַן פֿרוי שׂרה הירשפֿעלד, אַ דאָקטער.
האָבנדיק די צוויי אינטערנעץ־אַדרעסן קאָן שטאַרק העכערן די שאַנסן, אַז מענטשן וואָס זוכן וועבזײַטן פֿאַרבונדן מיט ייִדיש זאָלן אָנקומען צו דער פֿאָרווערטס־זײַט.
„אלי הירשפֿעלדן קומט אַ גרויסער דאַנק פֿאַר זײַן ברייטהאַרציקייט בײַם געבן דעם פֿאָרווערטס די צוויי וויכטיקע אינטערנעץ־אַדרעסן,“ האָט פֿישמאַן פֿעדערסען געזאָגט. „ייִדיש איז גאָר וויכטיק צו דער געשיכטע און שליחות פֿונעם פֿאָרווערטס, און די מתּנה וועט העלפֿן נאָך מער ליבהאָבער פֿון ייִדיש געפֿינען אונדזערע מאַטעריאַלן.“ דער פֿאָרווערטס פּובליקירט רעגלמעסיק ייִדישע אַרטיקלען; ווידעאָס אַזוי ווי „דאָס ייִדישע וואָרט פֿון טאָג“, און ווערטערשפּילן.
אלי הירשפֿעלד, דער זון פֿונעם פֿאַרשטאָרבענעם ניו־יאָרקער גרונט־מיסחר־מאַגנאַט אייב הירשפֿעלד, דינט ווי דער פּרעזידענט פֿון „הירשפֿעלד פּראָפּערטיס“, אַ פֿירנדיקע אַנטוויקלונג־פֿירמע פֿון נחלות אין דער ניו־יאָרקער געגנט. לויט אַ באַריכט אינעם „וואָל סטריט דזשורנאַל“ אין 2015, האָבן ביל און הילאַרי קלינטאָן אָפֿט געדונגען איינעם פֿון זײַנע גיטער אינעם פֿאַרמעגלעכן שטעטל איסט האַמפּטאָן, נ״י, וואָס האָט געהאַט אַ ווערט פֿון בערך 32.5 מיליאָן דאָלאַר.
הירשפֿעלד איז אויך אַ טעאַטער־פּראָדוצענט און קונסטזאַמלער. ער און זײַן פֿרוי זענען לאַנגיאָריקע שטיצער פֿון בילדונג, מעדיצין, געזונט־באַדינונג און ייִדישע צוועקן.
„מײַן ליבשאַפֿט פֿאַר ייִדיש האָט זיך אָנגעהויבן מיט דעם וואָס די מאַמע האָט מיר געזונגען ייִדישע לידער זינט איך בין געבוירן געוואָרן, אין ישׂראל,“ האָט הירשפֿעלד געזאָגט. „טאַטע־מאַמע האָבן גערעדט ייִדיש און העברעיִש צווישן זיך און אַ מאָל צו מיר. ביזן הײַנטיקן טאָג פֿיל איך אַ טיפֿע פֿאַרבינדונג מיט דער פּרעכטיקער שפּראַך. שׂרה און איך זענען שטאָלץ מיטן אַוועקשענקען די אינטערנעץ־אַדערסן אין איינעם מיט אַ פֿינאַנציעלער מתּנה.“
דער פֿאָרווערטס איז געגרינדעט געוואָרן אין 1897 ווי אַ ייִדישע טאָג־צײַטונג און האָט מיט דער צײַט צוגעצויגן בערך 275,000 לייענער — דער גרעסטער טיראַזש פֿון אַלע ייִדיש־שפּראַכיקע צײַטונגען אויף דער וועלט.
ס׳רובֿ פֿון דער צײַטונג איז אַריבער אויף ענגליש אין 1990 אָבער זי האָט ווײַטער אָנגעהאַלטן איר התחײבֿות צו פֿאַרשפּרייטן די ייִדישער שפּראַך און קולטור דורך אַרטיקלען, ווידעאָס, דיגיטאַלישע שפּילן, סאָציאַלער מעדיאַ און ווירטועלע דיסקוסיעס, וואָס באַדינען סײַ די מענטשן וואָס לייענען ייִדיש סײַ די וואָס ווילן זיך נעענטער פֿאַרבינדן מיטן לשון.
אין 2019 איז דער פֿאָרווערטס געוואָרן אַ ריין דיגיטאַלישע צײַטשריפֿט און דערגרייכט הײַנט בערך 1.5 מיליאָן לייענער אַ חודש.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
