דרײַ ייִדן, איין פּאָליציאַנט דערהרגעט דורך שיסערײַ אין כּשרער שפּײַזקראָם אין דזשערזי־סיטיThree Jews, One Officer Killed in Jersey City Kosher Market Shootout
אַ ווידעאָ ווײַזט ווי קינדער אין אַ חדר רעאַגירן אויפֿן שיסן.
The exterior of 223 MLK Drive in Jersey City. Image by Google
דרײַ ייִדן און אַ פּאָליציאַנט זענען דינסטיק נאָך מיטאָג דערהרגעט געוואָרן אין אַ שיסערײַ אין אַ כּשרער שפּײַזקראָם גלײַך לעבן דעם שטיבל „קהל עדת גרינוויל בית זאבֿ דובֿ‟ אינעם חסידישן ייִשובֿ אין דזשערזי סיטי. די צוויי פֿאַרדעכטיקטע שיסער זענען אויך אומגעקומען.
לויט די ערשטע נײַעס־באַריכטן איז דאָס שיסערײַ אויסגעבראָכן נאָך אַ צוזאַמענשטויס צווישן עטלעכע פֿאַרדעקטע (אָנדערקאָווער) פּאָליציאַנטן און די צוויי פֿאַרדעכטיקטע. שפּעטער האָט מען איבערגעגעבן, אַז ס׳איז נאָך ניט קלאָר פֿאַר וואָס מע האָט אָנגעהויבן שיסן. אַזוי צי אַזוי, זענען די שיסער אַרײַנגעלאָפֿן אין דער כּשרער שפּײַזקראָם, „דזשיי־סי כּשר סופּערמאַרקעט‟.
אינעם אינצידענט זענען אומגעקומען דרײַ ייִדן פֿונעם אָרטיקן חסידישן ייִשובֿ, אַ פּאָליציאַנט און די צוויי פֿאַרדעכטיקע פֿאַרברעכער. צוויי פּאָליציאַנטן זענען אויך פֿאַרוווּנדיקט געוואָרן.
אינעם ווידעאָ אונטן קען מען זען ווי מלמדים און תּלמידים אין אַ דערבײַיִקן חדר רעאַגירן מיט שרעק אויפֿן שיסערײַ.
שיסעריי געזען פין די חדר בילדינג אין דזשערסי סיטי pic.twitter.com/LtrMxqHSM6
— Hasidic2 (@hasidic_1) December 10, 2019
גרינוויל, די געגנט אין וועלכער ס׳איז אויסגעבראָכן דאָס שיסערײַ, איז אַ נײַער קליינער חסידישער ייִשובֿ פֿון בערך 70 ייִדיש־רעדנדיקע משפּחות וואָס האָבן נישט געקענט אויספֿירן דאָס הויכע דירה־געלט אין ברוקלין, לויט אַ באַריכט אויף JC.com פֿאַראַיאָרן. דער ייִשובֿ באַשטייט פֿון סאַטמאַרער און באָבעווער חסידים.
די שפּײַזקראָם געפֿינט זיך לעבן דעם „גרינוויל בית־מדרש‟, אויך באַקאַנט ווי די גרינוויל שיל און לעבן אַ חדר און ישיבֿה. די שפּײַזקראָם, וואָס איר אייגנטימער איז משה פֿערענץ, האָט זיך געעפֿנט אין יולי 2017. לויט אַ פֿאַרבײַגייער פֿאַרקויפֿט מען דאָרט כּלערליי מינים שפּײַזן אָבער נישט קיין פֿלייש. במשך פֿונעם טאָג קומען מענטשן אַרײַן כּסדר צו כאַפּן אַ שמועס מיט זייערע שכנים.
די לעצטע ידיעות וועגן דער שיסערײַ קען מען באַקומען פֿונעם Forward.
A message from our Publisher & CEO Rachel Fishman Feddersen
I hope you appreciated this article. Before you go, I’d like to ask you to please support the Forward’s award-winning, nonprofit journalism during this critical time.
At a time when other newsrooms are closing or cutting back, the Forward has removed its paywall and invested additional resources to report on the ground from Israel and around the U.S. on the impact of the war, rising antisemitism and polarized discourse.
Readers like you make it all possible. Support our work by becoming a Forward Member and connect with our journalism and your community.
— Rachel Fishman Feddersen, Publisher and CEO
