ווידעאָ: חסידישער שטערן ליפּא שמעצלער איז מספּיד דעם זינגער מיכאל שניצלער ז"לVIDEO: Hasidic star Lipa Schmeltzer recalls singer Michoel Schnitzler at his funeral
![](https://forward.com/wp-content/uploads/2023/04/schnitzler-2-2400x1350-1681767294.jpg)
Photo by shiezoli
דער באַליבטער חסידישער זינגער מיכאל שניצלער, וואָס האָט אָפֿט געזונגען אויף ייִדיש, איז זונטיק בײַ נאַכט פּלוצלינג אַוועק פֿון דער וועלט צוליב אַ האַרץ־אַטאַק. ער איז געווען 62 יאָר אַלט.
אין אַן עמאָציאָנעלן הספּד נאָך אים דערציילט זײַן נאָענטער חבֿר — דער חסידישער פּאָפּ־שטערן ליפּא שמעצלער — וואָס פֿאַר אַ געוואַלדיקע השפּעה שניצלער האָט אויף אים געהאַט סײַ ווי אַ מענטש סײַ ווי אַ זינגער און מחבר פֿון לידער. שניצלער האָט אויך געשריבן לידער פֿאַר ליפּאן און אַנדערע זינגער.
מיכאל שניצלער איז געבוירן געוואָרן אין בערקלי, קאַליפֿאָרניע. זײַן טאַטע , ר׳ משולם זישא שניצלער, איז געווען אַ זון פֿונעם טשאַבער רבֿ ר׳ שרגא שמואל שניצלער ז”ל פֿון ירושלים. מיכאל האָט אַרויסגעלאָזט זײַן ערשטן אַלבום אין יאָר 2000 און האָט זינט דעמאָלט פּראָדוירט נאָך 15 אַלבומען, מיט מער ווי 150 לידער.
שניצלער האָט שוין פֿון לאַנג געליטן פֿון האַרץ־פּראָבלעמען, און איז נישט דער ערשטער אין זײַן משפּחה וואָס איז געשטאָרבן דערפֿון. דער טאַטע איז יונגערהייט אַוועק פֿון אַ האַרץ־אַטאַק, און דרײַ פֿון מיכאלס ברידער זענען געשטאָרבן דערפֿון, אויך זײַענדיק אַלט בלויז אין די פֿריִע 60ער.
A message from Forverts editor Rukhl Schaechter
![](https://forward.com/wp-content/uploads/2024/07/Untitled-design-1-1-673x1024.jpg)
I hope you appreciated this article. Before you move on, I wanted to ask you to support the Forverts' 127-year legacy — and its bright future.
In the past, the goal of the Forverts was to Americanize its readers, to encourage them to learn English well and to acculturate to American society. Today, our goal is the reverse: to acquaint readers — especially those with Eastern European roots — with their Jewish cultural heritage, through the Yiddish language, literature, recipes and songs.
Our daily Yiddish content brings you new and creative ways to engage with this vibrant, living language, including Yiddish Wordle, Word of the Day videos, Yiddish cooking demos, new music, poetry and so much more.
— Rukhl Schaechter, Yiddish Editor