מוזיק־ווידעאָ: „לאָמיר זײַן געזונט“Music Video: “Let’s Be Healthy’’
אין זײַן נײַ ליד דערקלערט ראָמאַן גרינבערג ווי מע קען זיך פֿאַרהיטן פֿונעם קאָראָנאַ־ווירוס און דאָך פֿאַרברענגען מיט גוטע פֿרײַנד
Graphic by Angelie Zaslavsky
די צוקונפֿטדיקע פֿאָרשער פֿונעם ייִדישן ליד וועלן זיך אפֿשר דערשטוינען, וויפֿל לידער וועגן דעם קאָראָנאַ־ווירוס מע האָט געשאַפֿן, ניט בלויז אויף דער חסידישער גאַס, נאָר אויך בײַ אנדערע ייִדיש־רעדער אין אייראָפּע און אַמעריקע. ס׳איז אָבער פֿאַרשטענדלעך. אַז אַ מוזיקער איז פֿאַרשפּאַרט בײַ זיך אין דער היים, וועט ער דאָך סײַ ווי שפּילן מוזיק, און אַז אַ זינגער איז פֿאַרשפּאַרט בײַ זיך אין דער היים, וועט ער דאָך זינגען, און אַז אַ קאָמפּאָזיטאָר קען ניט אַרויס אין דרויסן, וועט ער דאָך קאָמפּאָנירן. און אַז אַ טאַלאַנטירטער ייִד ווי ראָמאַן גרינבערג איז אַלע דרײַ אין איינעם (און אַ כאָר־דיריגענט דערצו), איז ניט קיין חידוש אַז ער זאָל אַרויסלאָזן אַ מוזיק־ווידעאָ.
„לאָמיר זײַן געזונט“ קלינגט ווי אַ ייִדיש טעאַטער־ליד אויפֿן אַלטן שטייגער, נאָר שילדערט אויך, אויף אַ חנעוודיקן אופֿן, די אומרויִקע שטימונג בעת דער תּקופֿה פֿונעם קאָראָנאַ־ווירוס. בעת גרינבערג זינגט דאָס ליד, זעט מען ווי ער קען ניט אײַנזיצן, נאָר דרייט זיך איבער זײַן סאַלאָן, טראַכטנדיק וועגן בעסערע צײַטן און זײַן כאָר. טאַקע דערפֿאַר עצהט ער די צוהערער אָנצוקלינגען זייערע חבֿרים און האָפֿט, אַז די מגפֿה זאָל זיך וואָס גיכער ענדיקן, אַזוי ווי די מכּות אין מצרים.
ראָמאַן גרינבערג, דער בעלץ־געבוירענער מוזיקער, זינגער און קאָמפּאָזיטאָר, פֿירט שוין אָן מיטן ווינער ייִדישן כאָר זינט 2002. דער כאָר פֿירט יעדעס יאָר אויס אימפּאָנירנדיקע קאָנצערטן פֿון ייִדישע, ישׂראלדיקע און ספֿרדישע לידער, אָבער לייגט דעם טראָפּ דווקא אויף די ייִדישע פֿאָלק־ און קונסטלידער און דער קלעזמער־מוזיק. גרינבערג טרעט אויך אויף מיט אַ ריי אַנדערע קאַפּעליעס און איז אַן אוניקאַלער קוואַל פֿון אויטענטיש ייִדיש געזאַנג אין ווין. ער האָט אויך געהאָלפֿן איבערפֿירן עטלעכע עלטערע זינגער פֿונעם געוועזענעם ראַטן־פֿאַרבאַנד קיין ווין אויף קאָנצערטן, אַרײַנגערעכנט אַרקאַדי גענדלער ז׳׳ל, ווי מע קען זען אין דעם דאָקומענטאַר־פֿילם „אַ ביסעלע גליק“.
דרך־אגבֿ, גרינבערגס כאָר איז נאָך אַלץ אַקטיוו, רעקאָרדירנדיק נײַע לידער פֿון דער היים. זעט למשל, זײַן נײַעם נוסח פֿון „שבת זאָל זײַן“.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
