פּיטער יאַראָ און אַרלאָ גאָטרי וועלן אָפּמערקן טעאָדאָר ביקעלס אָנדענקPeter Yarrow and Arlo Guthrie to honor Theodore Bikel’s memory
די פֿאָלקסזינגער וועלן איבערגעבן זכרונות וועגן זייער פֿרײַנד און מיטקעמפֿער פֿאַר ציווילע רעכט, דעם ייִדישן פֿאָלקסזינגער טעאָדאָר ביקעל.
Image by Getty Images
שוין זעקס יאָר וואָס טעאָדאָר ביקעל איז מער ניט מיט אונדז. צוליב דער פּאַנדעמיע האָט מען פֿאַראַיאָרן ניט געמאַכט קיין גרויסע פֿאַרזאַמלונג אָפּצומערקן זײַן פֿיפֿטן יאָרצײַט, אַזוי ווי מע האָט געטאָן אַ יאָר נאָך זײַן פּטירה. הײַיאָר וועט מען זיך שוין ווידער טרעפֿן, אויף אַ הזכּרה דורך „זום“.
דאָנערשטיק, דעם 4טן מאַרץ, 2:00 ניו־יאָרקער צײַט, וועלן חבֿרים און באַקאַנטע פֿון טעאָדאָר ביקעל רעדן וועגן אים און די פּראָיעקטן אויף וועלכע זיי האָבן געאַרבעט צוזאַמען. די הזכּרה ווערט אײַנגעאָרדנט דורכן „צענטער פֿאַר דער אַמעריקאַנער ייִדישער מוזיק אויפֿן נאָמען פֿון לאָועל מילקען“ בײַ דער מוזיקשול בײַם „קאַליפֿאָרניער אוניווערסיטעט אין לאָס־אַנדזשעלעס“.
אינעם אָוונט וועלן זיך באַטייליקן די אַמעריקאַנער זינגער פּיטער יאַראָ און אַרלאָ גאָטרי. יאַראָ, פֿון דער באַקאַנטער מוזיקאַלישער גרופּע „פּיטער, פּאָול און מערי“, האָט נישט איין מאָל מאַרשירט צוזאַמען מיט ביקעלן, פֿאָדערנדיק בירגעררעכט פֿאַר אַפֿריקאַנער אַמעריקאַנער.יאַראָ און גאָטרי זענען אויך עטלעכע מאָל אויפֿגעטראָטן אויפֿן „ניופּאָרטער פֿאָלק־פֿעסטיוואַל“, וואָס ביקעל האָט געהאָלפֿן גרינדן אין 1959.
פֿון דער וועלט פֿון ייִדישער מוזיק וועט אויפֿטרעטן ביקעלס חבֿר און פּראָטעזשע דניאל קאַהן, מיט וועמען ער האָט נאָענט מיטגעאַרבעט בײַם איבערזעצן לידער פֿון ייִדיש אויף ענגליש און ענגליש אויף ייִדיש.
עס וועט זיך אויך באַטייליקן ביקעלס אַלמנה, איימי גינדזבורג־ביקעל, וואָס פֿירט אָן מיט אַן איניציאַטיוו צו פֿאַראייביקן ביקעלס אָנדענק. צוזאַמען מיטן „מילקען־אַרכיוו פֿון ייִדישער מוזיק“ האָט זי אַרויסגעלאָזט אַ קורצן פֿילם וועגן ביקעלס לעבן.
די הזכּרה־אונטערנעמונג איז בחינם אָבער מע מוז זיך פֿאַרשרײַבן פֿון פֿריִער.
"Why I became the Forward’s Editor-in-Chief"
You are surely a friend of the Forward if you’re reading this. And so it’s with excitement and awe — of all that the Forward is, was, and will be — that I introduce myself to you as the Forward’s newest editor-in-chief.
And what a time to step into the leadership of this storied Jewish institution! For 129 years, the Forward has shaped and told the American Jewish story. I’m stepping in at an intense time for Jews the world over. We urgently need the Forward’s courageous, unflinching journalism — not only as a source of reliable information, but to provide inspiration, healing and hope.
Support our mission to tell the Jewish story fully and fairly.
