אַ פֿרישער צוגאַנג צו אַ ליד פֿון ווידערשטאַנדA fresh approach to a song of resistance
סײַמאָן סטאַרס קאָמפּאָזיציע צו ה. לייוויקס „אייביק“ גיט איבער דעם טרויער פֿונעם ליד אָבער אָן אַ שווערן געמיט.
Graphic by Angelie Zaslavsky
סײַמאָן סטאַר, אַן אויסטראַלישער קאָמפּאָזיטאָר, דזשעז־באַסגיטאַריסט און מוזיק־פּראָדוצענט, וואָס שפּילט אַן אָנפֿירנדיקע ראָלע אין דער קאַפּעליע, „ייִד!“, האָט לעצטנס אַרויסגעלאָזט אַ נײַע קאָמפּאָזיציע צו באַגלייטן ה. לייוויקס ליד, „אייביק“.
סטאַר האָט לכתּחילה קאָמפּאָנירט דאָס ליד אין 2019 ווי אַ טייל פֿון אַ פּראָגראַם אָרגאַניזירט דורך דער מעלבורנער „קדימה“־ביבליאָטעק. בשעת דער פּאַנדעמיע האָט ער פֿאַרבעטן אַנדערע מעלבורנער זינגער און מוזיקער ווידער צו רעקאָרדירן דאָס ליד. דעם נײַעם נוסח, מיטן זינגער ארי ווייניג, האָט מען אַרויסגעלאָזט מיט אַ חודש צוריק.
אין דער רעקאָרדירונג שפּילן אַכט מוזיקער אויף אַ טוץ אינסטרומענטן. סטאַר אַליין שפּילט באַס, טשעלאָ, טרומייט, וואַלדהאָרן און זינגט דערצו. דער רעזולטאַט איז אַ פֿולער קלאַנג, וואָס איז בײַ געוויסע מאָמענטן ענלעך צו אַ דזשעז־סאָלאָיִסט און בײַ אַנדערע מאָמענטן — צו אַ גאַנצן אָרקעסטער.
ארי ווייניג איז אויפֿגעוואַקסן אין מעלבורן און וווינט הײַנט אין ישׂראל. ער זינגט אינעם דועט „שײַאַרי“ מיטן זינגער שי פּערי. ארי אַרבעט אויך ווי אַ קאָמפּאָזיטאָר פֿאַרן פּאָדקאַסט Israel Story.
סטאַר, וואָס האָט זיך פֿאַראינטערעסירט אין ייִדישע לידער נאָכן זיך אומקערן אין אויסטראַליע נאָך זעקס יאָר אין ישׂראל, גיט איבער אין זײַן אַרײַנפֿיר צום ליד, אַז לייוויקס טעקסט האָט אים גערירט ביז טרערן. ער האָט געשטרעבט צו שאַפֿן אַ קאָמפּאָזיציע וואָס זאָל „אָפּשפּיגלען די איבערלעבונגען באַשריבן אינעם ליד און דאָס אומדערמידלעכע באַדערפֿעניש צום ווידערשטאַנד ניט געקוקט אויף די אַלע שטרויכלונגען. איך האָב געוואָלט אַז דאָס ליד זאָל זײַן טרויעריק אָבער ניט האָבן צו פֿיל פֿון אַ שווערן געמיט.“
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
