ווידעאָ: מוטי שטיינמעץ זינגט וועגן אַ פֿאַרמער וואָס מוז עובֿר זײַן אויף די שמיטה־געזעצןVIDEO: Motty Steinmetz sings about a farmer forced to go against shmita laws
Graphic by Angelie Zaslavsky
מוטי שטיינמעץ, אַ שטאַרק פּאָפּולערער זינגער אין דער חסידישער וועלט, האָט לעצטנס אַרויסגעלאָזט אַ ייִדישן מוזיק־ווידעאָ אויף יוטוב, „אַ שמיטהלע געוויין‟. דאָס ליד באַשרײַבט די יסורים פֿון אַ ייִדישן פֿאַרמער וואָס מוז אַקערן די ערד אַפֿילו אינעם שמיטה־יאָר כּדי אויסצוצאָלן אַלע זײַנע חובֿות.
דאָס שמיטה־יאָר, וואָס הייסט אויך שבֿיעית, איז דאָס זיבעטע יאָר פֿונעם אַגריקולטורעלן ציקל, ווען די תּורה הייסט אַלע ייִדן אין ארץ־ישׂראל איבערלאָזן אומבאַאַרבעט די פֿעלדער. בײַ אָרעמע פֿאַרמער איז דאָס אָפֿט אַ ריזיקער עול ווײַל דאָס באַאַרבעטן די ערד איז זייער איינציקער קוואַל פֿון פּרנסה.
דער 29־יאָריקער מוטי שטיינמעץ איז אַ וויזשניצער חסיד פֿון בני־ברק. ווען ער איז געווען 14 יאָר אַלט, און שוין דעמאָלט אָנגעהויבן שאַפֿן לידער, האָט זײַן זיידע זיך איבערגעצויגן פֿון אַנטווערפּן קיין ישׂראל, און האָט גלײַך אָנגעהויבן אויסלערנען זײַן אייניקל די אַלטע וויזשניצער ניגונים, וואָס האָבן מיט דער צײַט שטאַרק באַווירקט מוטיס אייגענעם מוזיקאַלישן סטיל.
זײַנע מוזיק־ווידעאָס אויף יוטוב האָט מען שוין געזען צענדליקער מיליאָנען מאָל.
דאָס ליד, „אַ שמיטהלע געוויין‟, איז באַשטעלט געוואָרן פֿון קרן השביעית, אַ ישׂראלדיקע צדקה־אָרגאַניזאַציע וואָס שטיצט פֿינאַנציעל די אָרעמע פֿאַרמערס במשך פֿונעם שמיטה־יאָר.
Did you know that only 2% of Forward readers donate to support our nonprofit newsroom? That 2% make it possible for millions to read the Forward without a paywall or subscription — removing any barriers to the full and fair Jewish story.
But while the Forward is free to read, it isn’t free to produce. Big stories — like deep dives into the antisemitism data, political scoops or reporting trips to college campuses — take months of research and fact-checking. All while we keep you informed of what you need to know each day.
— Rachel Fishman Feddersen, Forward Publisher & CEO
Support our mission to tell the Jewish story fully and fairly.
