Graphic by Angelie Zaslavsky

הגם דער ייִדישער הומאָר איז אַ טיף אײַנגעוואָרצלטער חלק פֿון דער אַשכּנזישער קולטור — אַלע ווייסן דאָך וועגן דעם פּורים־שפּילער און דעם בדחן — איז הײַנט שווער צו געפֿינען אַ קאָמיקער אויף דער אינטערנעץ וואָס דערציילט וויצן אין גאַנצן אויף ייִדיש, אָן אונטערקעפּלעך.

מאָנטיק, דעם 9טן מײַ, 2:00 נאָך מיטאָג ניו־יאָרקער צײַט (11:00 אין דער פֿרי קאַליפֿאָרניער צײַט, און 8:00 אין אָוונט ישׂראלדיקע צײַט) וועט הרבֿ באַרי שעכטער, דער רבֿ פֿון עדת „קול אמת“ אין סקאָקי, אילינוי, פֿאַרווײַלן דעם עולם מיט ייִדישע וויצן וואָס האָבן זיך בײַ אים במשך פֿון די יאָרן אָנגעקליבן.

די פּראָגראַם, וואָס ווערט געשטיצט פֿונעם פֿאָרווערטס, איז פֿרײַ פֿון אָפּצאָל .כּדי זיך צו באַטײליקן אין דער פּראָגראַם, גיט אַ קװעטש דאָ.

הרבֿ שעכטער איז געבוירן געוואָרן אין לאָנדאָן, ענגלאַנד. ער איז דערצויגן געוואָרן אויף ייִדיש און האָט זיך געלערנט אין ישיבֿה, און דערנאָך האָט ער שטודירט עקאָנאָמיק בײַם קיימברידזשער אוניווערסיטעט, וווּ ער איז געוואָרן אַן אַקטיווער מיטגליד פֿון דער דעבאַטיר־מאַנשאַפֿט, באַקאַנט פֿאַרן קענען גוט אָפּענטפֿערן זײַנע קאָנקורענטן.

עטלעכע יאָר לאַנג האָט שעכטער געאַרבעט ווי אַן עקאָנאָמיסט אין וואַשינגטאָן אָבער דערנאָך האָט ער אָנגענומען די פּאָזיציע פֿון רבֿ בײַ „קול אמת‟. איין מאָל, בײַם האַלטן אַ לעקציע וועגן ייִדישן הומאָר, האָט דער עולם אַזוי שטאַרק הנאה געהאַט פֿון די וויצן, אַז ער האָט אָנגעהויבן אויפֿטרעטן ווי אַ וויצן־דערציילער אויף ענגליש אין פֿאַרשידענע לאָקאַלן, אַרײַנגערעכנט דער פּראָגראַם, „איז קאָמעדיע שוין געשטאָרבן?‟ וואָס איז פֿאָרגעקומען ערבֿ־ניטל אין אַ לוויה־הויז אין שיקאַגע.

ער האָט אויך אויפֿגעטראָטן אויף דער ראַדיאָ־סטאַנציע WBBM אין שיקאַגע, WAMU אין וואַשינגטאָן און CBC אין קאַנאַדע, און אויף טעלעוויזיע אין שיקאַגע.

הגם שעכטער פֿעפֿערט געוויינטלעך אָן זײַנע אַקטן מיט ייִדישע ווערטער און פֿראַזעס, וועט דער אויפֿטריט דעם 9טן מײַ זײַן דאָס ערשטע מאָל וואָס ער פֿאַרווײַלט דעם עולם אין גאַנצן אויף ייִדיש.

This is a moment of great uncertainty. Here’s what you can do about it.

We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.

This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.

With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.

The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.

Don't just read the Forward - invest in it. Make a matched gift today.

Support our mission to tell the Jewish story fully and fairly.

$120 $180 $360 OTHER AMOUNT