קאָכקלאַס פֿאַר ייִדיש־רעדנדיקע קינדער הייבט אָן נײַעם סעזאָןCooking Class For Yiddish-Speaking Kids Starts New Season
לכּבֿוד ראש־השנה וועט מען באַקן קײַלעכיקע חלות און אַן עפּל־לאָקשן־קוגל.
![Yiddish Cooking Class](https://images.forwardcdn.com/image/970x/center/images/cropped/1-1568386628.jpg)
אַ גרופּע קינדער ווײַזן די קיכעלעך וואָס זיי האָבן געמאַכט אינעם פּריפּעטשיק־קאָכקלאַס. פֿון רעכטס: סענדער גלעזער, סאַשינקע און לאהלע פֿאָגעל און סאָניע פֿישמאַן Image by Rukhl Schaechter
פּריפּעטשיק, דער חודשלעכער קאָכקלאַס פֿאַר קינדער דורכגעפֿירט אין גאַנצן אויף ייִדיש, וועט האַלטן די ערשטע סעסיע פֿון נײַעם שול־יאָר זונטיק, דעם 22סטן סעפּטעמבער, 4:00 נאָך מיטאָג. לכּבֿוד ראש־השנה וועט מען באַקן קײַלעכיקע חלות און אַן עפּל־לאָקשן־קוגל. בײַם סוף וועלן די קינדער אַהיימנעמען וואָס זיי האָבן געמאַכט.
אַלץ ווערט דורכגעפֿירט אין אַ כּשרער קיך.
דער קלאַס ווערט אָנגעפֿירט פֿון שׂרה־רחל שעכטער, די רעדאַקטאָרין פֿון פֿאָרווערטס און איינע פֿון די קעכינס, צוזאַמען מיט איוו יאַכנאָוויץ, פֿון דער פֿאָרווערטס קאָכפּראָגראַם, „עסט געזונטערהייט‟.
בײַ פֿריִערדיקע סעסיעס האָבן די קינדער געמאַכט קניידלעך מיט יויך, קיכעלעך און קאַרטאָפֿל־לאַטקעס.
![Yiddish Cooking Class](https://images.forwardcdn.com/image/675x/center/images/cropped/1-1568386628.jpg)
אַ גרופּע קינדער ווײַזן די קיכעלעך וואָס זיי האָבן געמאַכט אינעם פּריפּעטשיק־קאָכקלאַס. פֿון רעכטס: סענדער גלעזער, סאַשינקע און לאהלע פֿאָגעל און סאָניע פֿישמאַן Image by Rukhl Schaechter
הגם די קאָכסעסיעס קומען פֿאָר אין ניו־יאָרק, באַטייליקן זיך אויך פֿון צײַט צו צײַט משפּחות פֿון מחוץ דער שטאָט וואָס געפֿינען זיך יענעם טאָג אין דער ניו־יאָרקער געגנט.
דער ציל פֿונעם פּריפּעטשיק־קאָכקלאַס איז אַ צווייפֿאַכיקער: ערשנטס, צו געבן די קינדער אַ געלעגנהייט זיך אויסצולערנען אויטענטישע ייִדישע ווערטער ווי פּעטרישקע, ראַזעווע מעל און קאָכלעפֿל, און צווייטנס, צו פֿאַרברענגען צוזאַמען מיט אַנדערע קינדער אויף ייִדיש — אַ וויכטיקע זאַך אויב מע וויל אַז די קינדער זאָלן פֿילן אַז די ייִדישע שפּראַך איז נישט בלויז אַ לשון פֿון דער היים אָבער אויך אַ מיטל זיך אויסצודריקן מיט אַנדערע קינדער.
אויב איר ווילט אַז אײַער קינד זאָל זיך באַטייליקן אינעם ערשטן קלאַס, אָדער אין אַ צוקונפֿדיקן קלאַס, שיקט אַ בליצבריוו צו שׂרה־רחל שעכטער, אָנגעבנדיק דעם נאָמען און עלטער פֿון אײַער קינד. איר אַדרעס איז [email protected].
A message from Forverts editor Rukhl Schaechter
![](https://forward.com/wp-content/uploads/2024/07/Untitled-design-1-1-673x1024.jpg)
I hope you appreciated this article. Before you move on, I wanted to ask you to support the Forverts' 127-year legacy — and its bright future.
In the past, the goal of the Forverts was to Americanize its readers, to encourage them to learn English well and to acculturate to American society. Today, our goal is the reverse: to acquaint readers — especially those with Eastern European roots — with their Jewish cultural heritage, through the Yiddish language, literature, recipes and songs.
Our daily Yiddish content brings you new and creative ways to engage with this vibrant, living language, including Yiddish Wordle, Word of the Day videos, Yiddish cooking demos, new music, poetry and so much more.
— Rukhl Schaechter, Yiddish Editor