ווידעאָ: טשאַרדאַש־מעלאָדיע אויסגעפֿירט פֿונעם „שירה‟־כאָרWATCH: A cappella czardas performed by the Shira Choir
די מוזיקאַלישע פּרעציזקייט פֿונעם זינגען איז ממש צום באַוווּנדערן.
Graphic by Angelie Zaslavsky
זינט דעם בראשית פֿון דער חסידישער באַוועגונג האָבן חסידישע מוזיקער פֿרײַ „געבאָרגט‟ די לידער פֿון די שכנותדיקע פֿעלקער און פֿון זיי געשאַפֿן אייגענע היימישע ניגונים. אין דער מיזרח־אייראָפּעיִשער ייִדישער מוזיק בכלל, און אין דער חסידישער מוזיק בפֿרט, הערט מען אַרײַנגעוועבטע סטראָפֿעס און אַמאָל גאַנצע מעלאָדיעס פֿון רומענישע, אוקראַיִנישע, פּוילישע, ווײַסרוסישע און אונגערישע פֿאָלקסלידער, וואַלצן, מאַרשן און וויגלידער, וכדומה.
אַז מע הערט זיך צו צו דער הײַנטיקער חסידישער מוזיק, באַמערקט מען אַז די השפּעות פֿון דער אונגערישער פֿאָלקס־, און אַפֿילו קלאַסישער מוזיק, זענען בײַם אויבן אָן. דער טשאַרדאַש, אַן אַלטער זשאַנער פֿון פֿאָלקסטאַנץ וואָס שטאַמט פֿון די 1700ער יאָרן, איז אַרײַן אין דער קלאַסישער מוזיק פֿון 19טן יאָרהונדערט, ווען אונגערישע קאָמפּאָזיטאָרן האָבן אים אַרײַנגעוועבט אין זייערע קאָמפּאָזיציעס.
דער טשאַרדאַש־סטיל פֿאַררופֿט זיך אויף די לידער, וואָס קאַפּעליעס פֿלעגן שפּילן בײַם רעקרוטירן מענער אין דער עסטרײַך־אונגערישער אַרמיי. אונגערישע חסידים האָבן אַרײַנגענומען אַזעלכע מאַרשן און טאַנץ־לידער און זיי געשפּילט אויף די חתונות. דער טערמין טשאַרדאַש, וואָס מיינט, אייגנטלעך, „קרעטשמע‟ אויף אונגעריש, איז געווען אַזוי ברייט באַקאַנט בײַ ייִדן, אַז מע טרעפֿט עס אַפֿילו עד־היום ווי אַ פֿאַמיליע־נאָמען.
סײַ די פֿאָלסקישע וואָרצלען, סײַ דער קלאַסישער ייִחוס פֿונעם טשאַרדאַש קען מען בולט הערן אין אָט דער אומפֿאַרגעסלעכער אויספֿירונג פֿונעם „שירה‟־כאָר, וואָס וועבט צונויף די קלאַסישע מוזיק און אָפּערע מיט אַקאַפּעלאַ (אַ סטיל פֿון זינגען אָן אינסטרומענטן). די פּרעציזקייט פֿונעם זינגען, דערגרייכנדיק נאָטן און בײַטנדיק טענער ממש אין אַן אויגנבליק, איז צום באַוווּנדערן.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
