טעאָדאָר ביקעל און פֿײַוויש פֿינקעל שפּילן אויס אַ דיאַלאָג פֿון „פֿידלער אויפֿן דאַך‟WATCH: Theodore Bikel and Fyvush Finkel perform a dialogue from Fiddler on the Roof
כאָטש דער מיוזיקל אויף ייִדיש האָט זיך שוין געענדיקט, קען מען דורך דער אינטערנעץ נאָך געניסן דערפֿון.
Graphic by Angelie Zaslavsky
די וואָך האָט זיך נאָך אַנדערהאַלבן יאָר פֿאַרענדיקט דער פֿאָלקסבינעס פּאָפּולערע אויפֿפֿירונג פֿון „פֿידלער אויפֿן דאַך‟ אין שרגא פֿרידמאַנס ייִדישער איבערזעצונג. מע קען אָבער ווײַטער געניסן פֿון געוויסע סצענעס פֿונעם מיוזיקל אויף ייִדיש.
אין 2013 האָט די פֿאָלקסבינע געמאַכט אַ ריזיקן חנוכּה־קאָנצערט אין „סימפֿאָני־ספּייס‟ לכּבֿוד טעאָדאָר ביקעל ז׳׳ל. ביקעל איז עטלעכע מאָל אויפֿגעטראָטן מיט געזאַנג און רעציטאַציעס במשך פֿונעם אָוונט. אין איין רירנדיקן מאָמענט האָט ער, צוזאַמען מיט זײַן לאַנגיאָריקן חבֿר און קאָלעגע פֿײַוויש פֿינקעל ז׳׳ל, אויסגעשפּילט אַ דיאַלאָג פֿון „פֿידלער אויפֿן דאַך‟ אויף מאַמע־לשון. נאָך דעם וואָס פֿינקעל איז אַוועק אין 2016, האָט די פֿאָלקסבינע אַרויפֿגעשטעלט אַ פֿילם דערפֿון אויף „יוטוב‟.
ביידע אַקטיאָרן האָבן אַ מאָל געשפּילט די ראָלעס פֿון „טבֿיה דער מילכיקער‟ און „מרדכי דער קרעטשמער‟. פֿײַוויש איז געווען אין דער סאַמע ערשטער פּראָדוקציע פֿון „פֿידלער‟ אויף בראָדוויי און ביקעל האָט געשפּילט טבֿיה, לויט זײַן רעכענונג, „מער ווי 2,000 מאָל.‟ אַפֿילו אין 2010 איז ער אויפֿגעטראָטן אויף בראָדוויי ווי טבֿיה ווען חיים טופּול האָט זיך צעקלאַפּט בײַם אַקסל. (ס׳איז כּדאַי צו דערמאָנען, אַז ביקעל איז געווען עלטער פֿון טופּולן מיט 11 יאָר, און שוין געווען 85 יאָר אַלט). פֿינקעל און ביקעל האָבן אָבער זעלטן ווען געהאַט אַ געלעגנהייט צו שפּילן די ראָלעס צוזאַמען אויף מאַמע־לשון.
ניט געקוקט אויף סטיווען סקײַבעלס אויסגעצייכנטן אויפֿטריט ווי „טבֿיה‟ אויף מאַמע־לשון, איז טאַקע אַ שאָד, וואָס מע האָט ניט געשטעלט קיין ייִדישן „פֿידלער‟ אין אַמעריקע מיט דרײַסיק צי פֿערציק יאָר צוריק, ווען עס זענען נאָך געווען אַקטיוו און אין זייערע פֿולן קינסטלערישן בלי, אַזעלכע ריזן פֿונעם ייִדישן טעאַטער בכלל, און פֿון „פֿידלער‟ בפֿרט, ווי טעאָדאָר ביקעל און פֿײַוויש פֿינקעל.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news this Passover. All donations are being matched by the Forward Board - up to $100,000.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give this Passover is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
