ווידעאָ: דריטער סדר פֿאָרגעשטעלט דורך קלעזמער־שטערן — איצט אויף יוטובWATCH: Third Seder performed by klezmer stars — now on Youtube
מער ווי 1,100 מענטשן האָבן געקוקט אויף דער פּראָגראַם, באַזירט אויף דער אַרבעטער־רינג־הגדה.

נעכטן האָט אַן אינטערנאַציאָנאַלע גרופּע מוזיקער, זינגער און טענצער אויפֿגעפֿירט אַ דריטן סדר דורך ”זום“. מער ווי 1,100 מענטשן האָבן געקוקט אויף דער פּראָגראַם, אָרגאַניזירט דורך הרבֿ אַבֿרהם מלאָטעק און משה ראָזענפֿעלד, בעת זי איז טראַנסמיטירט געוואָרן דורך ”פֿייסבוק־לײַוו.“ הונדערטער אַנדערע האָבן זי שפּעטער געקוקט אויף יוטוב און אַנדערע פּלאַטפֿאָרמעס.
אינעם דריטן סדר זענען אויפֿגעטראָטן דזשאָען באָרץ, אַלכּסנדרה טשאַרני, שׂרה־מינע גאָרדאָן, דניאל קאַהן, פֿרענק לאָנדאָן, שורה ליפּאָווסקי, שׂרה מלאָטעק, זלמן מלאָטעק, עלינאָר ריסאַ, דזשויס ראָזענצווײַג, סטיווען סקײַבעל, לאָרין סקלאַמבערג, סוזען וואַטס, מײַקל ווינאָגראַד. די פּראָגראַם איז געשטיצט געוואָרן פֿונעם פֿאָרווערטס און אַ צאָל אַנדערע אָרגאַניזאַציעס.