ווידעאָ: מײַן טאַטע האָט געלערנט דעם גרויסן פּאָעט, חיים גראַדעWATCH: My father taught the great poet, Chaim Grade
ליבע אויגענפֿעלד דערציילט ווי דער יונגער חיים האָט זיך געוואַלגערט אין גאַס און ווי זי האָט זיך באַקענט מיט אים צום ערשטן מאָל.
Image by Yiddish Book Center
לכּבֿוד דעם וואָס מע קען איצט לייענען חיים גראַדעס ווערק אָנלײַן, ברענגען מיר דעם אויסצוג פֿון אַן אינטערוויו, אין וועלכן די מאָנטרעאָלער קולטור־טוערין, ליבע אויגענפֿעלד ז׳׳ל, באַשרײַבט ווי איר טאַטע האָט געלערנט דעם צוקונפֿטדיקן פּאָעט. צו יענער צײַט, בשעת דער ערשטער וועלט־מלחמה, האָט גראַדע, דעמאָלט אַ יונג קינד, זיך געוואַלגערט אין גאַס און די דײַטשן האָבן אים דערפֿאַר אַרײַנגעשטעלט אין אַ קינדערהיים. אויגענפֿעלדס טאַטע, ישׂראל מאַרשאַק, איז דאָרטן געווען זײַן לערער. מיט יאָרן שפּעטער, ווען ליבע אויגענפֿעלד איז געווען אַ יונג מיידל, האָט גראַדע באַזוכט איר היים, כּדי צו געבן איר טאַטן אַן עקזעמפּלאַר פֿון זײַן ערשט ביכל לידער, „יאָ“.
דעם אינטערוויו האָבן קריסטאַ וויטני, די גרינדערין פֿונעם „פּראָיעקט פֿון געשיכטע בעל־פּה אויפֿן נאָמען וועקסלער“, און איך געמאַכט אין 2012 בײַ ליבע אויגענפֿעלד אין קיך. זי האָט אונדז דערציילט וועגן איר ווילנער קינדהייט, אירע יאָרן ווי אַ פּאַרטיזאַנערין, און אירע טעטיקייטן אין מאָנטרעאָל, וווּ זי איז געווען אַ זײַל פֿון דער אָרטיקער ייִדישער פֿאָלקס־ביבליאָטעק. דעם גאַנצן אינטערוויו קען מען זען דאָ.
אויגענפֿעלד איז געווען אַ טאַלאַנטירטע רעדנערין און האָט געגעבן באַלערנדיקע אַרײַנפֿיר־רעדעס פֿאַר אירע ווילנער בני־עיר, ווען זיי זענען געקומען האַלטן אַ רעדע אין דער ייִדישער פֿאָלקס־ביבליאָטעק. ס׳איז טאַקע כּדאַי צו הערן די באַגריסונג־רעדע וואָס זי האָט געהאַלטן ווען אַבֿרהם סוצקעווער איז דאָרטן אויפֿגעטראָטן אין 1989.
אַנדערע אויסצוגן פֿונעם אינטערוויו קען מען זען דאָ.
It’s our birthday and we’re still celebrating!
We hope you appreciated this article. Before you go, we’d like to ask you to please support the Forward’s independent Jewish news.
This week we celebrate 129 years of the Forward. We’re proud of our origins as a Yiddish print publication serving Jewish immigrants. And we’re just as proud of what we’ve become today: A trusted source of Jewish news and opinion, available digitally to anyone in the world without paywalls or subscriptions.
We’ve helped five generations of American Jews make sense of the news and the world around them — and we aren’t slowing down any time soon.
As a nonprofit newsroom, reader donations make it possible for us to do this work. Support independent, agenda-free Jewish journalism and our board will match your gift in honor of our birthday!
Support our mission to tell the Jewish story fully and fairly.
