Skip To Content
JEWISH. INDEPENDENT. NONPROFIT.

Support the Forward

Funded by readers like you DonateSubscribe
Yiddish

פֿאָלקסבינע פּראַוועט 70סטן געבוירן־טאָג פֿון דירעקטאָר זלמן מלאָטעקFolksbiene celebrates 70th birthday of director Zalmen Mlotek

די פֿײַערונג אָנלײַן וועט צונויפֿברענגען אַן אַלוועלטלעכן אַנסאַמבל פֿון איבער 140 אַרטיסטן.

לייענט דעם אַרטיקל אויף ענגליש

סוף־יולי וועט די פֿאָלקסבינע, וואָס פּראַוועט שוין זײַן 106טן יאָר, האַלטן אַ בענעפֿיט־קאָנצערט אָנלײַן, לכּבֿוד דעם 70סטן געבוירן־טאָג פֿון איר לאַנגיאָריקן דירעקטאָר, זלמן מלאָטעק.

דער קאָנצערט, וואָס וועט צונויפֿברענגען 140 אַרטיסטן פֿון איבער דער וועלט, ווערט אויך באַצייכנט ווי אַ יום־טובֿ לכּבֿוד דעם וואַקסנדיקן אינטערעס צו דער ייִדישער שפּראַך און קולטור, ווי מע קען זען דורך אַ צאָל אופֿנים: דאָס וואָס דער נײַער ייִדיש־קורס בײַ דואָלינגאָ האָט צוגעצויגן אַ פֿערטל מיליאָן סטודענטן; דורך דער פּאָפּולאַריטעט פֿון דער ישׂראלדיקער טעלעוויזיע־פּראָגראַם, „שטיסל‟, וואָס נעמט אַרײַן אַ סך דיאַלאָג אויף ייִדיש, און דורכן לאַנג־דויערנדיקן סוקצעס פֿון דער פֿאָלקסבינעס אייגענער פּראָדוקציע פֿון „פֿידלער אויפֿן דאַך‟ אויף ייִדיש.

זלמן מלאָטעק איז געבוירן געוואָרן אין 1951 אין בראָנקס, נ״י, דער בכור פֿון יאָסל מלאָטעק, דער בילדונג־דירעקטאָר פֿונעם אַרבעטער־רינג און פֿאָרווערטס־רעדאַקטאָר, און חנה מלאָטעק, די אָנגעזעענע אַרכיוויסטקע פֿון ייִדישע לידער, וואָס האָט, צוזאַמען מיט יאָסלען, אָנגעפֿירט מיט דער פֿאָרווערטס־רובריק, „פּערל פֿון דער ייִדישער ליטעראַטור‟ און אַרויסגעגעבן דרײַ ייִדישע געזאַנגביכער. זלמנס ברודער, משה, איז אַ געוועזענער פּרעזידענט פֿונעם אַרבעטער רינג.

זלמן, וואָס האָט פֿאַרבראַכט ס׳רובֿ זומערן פֿון זײַנע קינדעריאָרן בײַם בונדיסטישן זומער־לאַגער, קעמפּ המשך, איז דערנאָך געוואָרן זײַן מוזיק־דירעקטאָר. ער האָט שטודירט קלאַסישע מוזיק אין דער מוזיקשול „דזשוליאַרד‟ אונטער דער השגחה פֿונעם קאָמפּאָזיטאָר לענאַרד בערנשטיין, און האָט זיך אויך געלערנט אינעם „ניו־ענגלאַנג קאָנסערוואַטאָרי אָוו מיוזיק‟ און „מאַנהאַטען סקול אָוו מיוזיק‟.

זײַן פּראָדוקציע פֿון „פֿידלער אויפֿן דאַך אויף ייִדיש‟, וואָס האָט געזאָלט אויפֿגעפֿירט ווערן בלויז אַכט וואָכן לאַנג אינעם „מוזיי פֿון דער ייִדישער קולטור־ירושה‟ (Museum of Jewish Heritage) האָט אַזוי אויסגענומען בײַם עולם, אַז מע האָט זי געדאַרפֿט איבערפֿירן אינעם גרעסערן זאַל פֿונעם אָף־בראָדוויי טעאַטער, Venue Stage 42.

דעם גאַלאַ־קאָנצערט וועט מען קענען זען פֿיר טעג לאַנג, פֿונעם 26סטן יולי ביזן 30סטן. כּדי צו זען דעם קאָנצערט דאַרף מען זיך רעגיסטרירן פֿון פֿריִער דאָ. הגם דער אַרײַנטריט איז פֿרײַ, בעט מען אַז מע זאָל געבן אַ בײַשטײַער צו העלפֿן דער פֿאָלקסבינע ממשיך זײַן מיט איר קולטור־אַרבעט.

Dive In

    Engage

    Republish This Story

    Please read before republishing

    We’re happy to make this story available to republish for free, unless it originated with JTA, Haaretz or another publication (as indicated on the article) and as long as you follow our guidelines. You must credit the Forward, retain our pixel and preserve our canonical link in Google search.  See our full guidelines for more information, and this guide for detail about canonical URLs.

    To republish, copy the HTML by clicking on the yellow button to the right; it includes our tracking pixel, all paragraph styles and hyperlinks, the author byline and credit to the Forward. It does not include images; to avoid copyright violations, you must add them manually, following our guidelines. Please email us at [email protected], subject line “republish,” with any questions or to let us know what stories you’re picking up.

    We don't support Internet Explorer

    Please use Chrome, Safari, Firefox, or Edge to view this site.