ווידעאָ: באָראָ־פּאַרק לוויה־הויז איז פֿול מיט טויטע פֿון קאָראָנאַ־ווירוסWATCH: Borough Park funeral home overwhelmed by coronavirus dead
אינעם ווידעאָ זעט מען נײַן מתים, אײַנגעוויקלט אין תּכריכים. אַ טייל ליגן אויף טראָגבעטלעך און כאָטש דרײַ פֿון זיי ליגן ממש אויף ד׳רערד.
Image by Molly Boigon
אַ ווידעאָ וואָס איז די וואָך צוגעשיקט געוואָרן צום פֿאָרווערטס גיט אַ רמז אויף ווי שטאַרק עס האָט זיך שוין פֿאַרשפּרייט די קאָראָנאַ־ווירוס־מגפֿה בײַ די ייִדן אין באָראָ־פּאַרק.
דער ווידעאָ ברענגט דעם צוקוקער אַרײַן אין „שומרי הדת‟, אַ לוויה־הויז אין באָראָ־פּאַרק. דאָרט זעט מען ווי עס ליגן נײַן מתים, אײַנגעוויקלט אין תּכריכים: אַ טייל פֿון זיי ליגן אויף טראָגבעטלעך און דרײַ פֿון זיי (אפֿשר אַפֿילו נאָך מער) ליגן ממש אויף ד׳רערד. דער פּערסאָנאַל וואָס מע זעט אינעם ווידעאָ טראָגן כּסדר לאַטעקס־הענטשקעס און מאַסקעס.
אָט קענט איר אַליין זען ווי עס האָט די וואָך אויסגעזען בײַ „שומרי הדת‟:
More horrifying scenes from Shomrei Hadas in BP?????? pic.twitter.com/ZIrjlq3BiP
— T.O.T Consulting{Avi Lehrer} (@TOTPINYC) March 29, 2020
אַחוץ דעם האָט אַ פֿרײַוויליקער אַרבעטער בײַ „שומרי הדת‟, מנחם בלום, די וואָך אַרויסגעשיקט אַן אוידיאָ־מעלדונג דורך וואַטסאַפּ, בעטנדיק מענטשן מיט גרויסע אויטאָס — מיניוואַנס (קאַמיאָנעטן) און „עס־יו־וויס‟ — צו העלפֿן זיי ברענגען די מתים אין בית־עולם ווײַל עס זענען בײַ זיי פּשוט נישטאָ גענוג מענטשן און אויטאָס.
„רבותי, כ’האָב נישט גענוג דרײַווערס אַרויסצופֿירן אַלע נפֿטרים צו די בית־הקבֿרות!‟ זאָגט בלום.
הערט די רעקאָרדירונג דאָ:
„עס האַלטן אין איין שטאַרבן מענטשן, פֿון אַלע מינים: ספֿרדים, פֿרומע, ליטווישע,‟ האָט אַ ייִד פֿון דער חבֿרה קדישא שומרי הדת געזאָגט דעם פֿאָרווערטס. דער ייִד, וואָס האָט געבעטן נישט אָנגעבן זײַן נאָמען, האָט געזאָגט אַז די רבנים און עסקנים ווילן נישט רעדן וועגן דער הויכער צאָל מענטשן וואָס שטאַרבן פֿון דער מגפֿה. „קיינער וויל נישט אויסזאָגן די אמתע ציפֿערן,‟ האָט ער געזאָגט. „זיי זאָגן אז ס׳איז בלויז די זקנים און אַז זיי זענען שוין סײַ־ווי געווען קראַנק פֿון פֿריִער. אָבער איך ווייס אויף זיכער, כ׳האָב געזען די טויט־צעטלעך — אויף זיי אַלע איז געשטאַנען אַז זיי זענען בפֿירוש געשטאָרבן פֿון קאָראָנאַ.‟
„צוליב עפּעס אַ סיבה פּרוּוון זיי דאָס צו פֿאַרשווײַגן און לאָזן נישט מענטשן וויסן וועגן דעם,‟ האָט ער געזאָגט. „זיי ווילן נישט איבערשרעקן דעם עולם. דערפֿאַר פֿירן זיך מענטשן ווי געוויינטלעך, אָן זיך צו היטן.‟
די שטאָט האָט נאָך נישט פּובליקירט די סטאַטיסטיק וועגן די טויטפֿאַלן לויט די געגנטן, אָבער דורך ווידעאָס, פֿאָטאָגראַפֿיעס און גבֿית־עדות פֿון די אָרטיקע ייִדן זעט מען קלאָר אַז די אַרבעטער און וואָלונטירן בײַ שומרי הדת זענען שוין איבערן קאָפּ, פּרוּוונדיק צו ברענגען די מתים צו קבֿורה על־פּי־דין, אין ווייניקער ווי אַ מעת־לעת, 24 שעה.
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
