לאַנגיאָריקער פֿאָרווערטס־מיטאַרבעטער דזשאָרדין קוציק וועט שטודירן אויף אַדוואָקאַטLongtime Forverts staff member Jordan Kutzik going to law school
דזשאָרדין האָט געשפּילט אַ הויפּטראָלע בײַם איבערפֿירן דעם פֿאָרווערטס אין אַ ריין דיגיטאַלישן קולטור־זשורנאַל.
Image by Rukhl Schaechter
נאָך אַכט יאָר ווי אַ שטענדיקער מיטאַרבעטער בײַם ייִדישן פֿאָרווערטס, וועט דער געהילף־רעדאַקטאָר און דיגיטאַלישער מבֿין דזשאָרדין קוציק פֿאַרלאָזן זײַן שטעלע און זיך נעמען שטודירן אויף אַדוואָקאַט אין דער אָנגעזעענער יוריספּרודענץ־שול, „קאָרדאָזאָ‟ בײַם ישיבֿה־אוניווערסיטעט. ער האָפֿט זיך צו ספּעציאַליזירן אין די אַמעריקאַנער אימיגראַציע־געזעצן.
דזשאָרדין, וואָס איז געבוירן און דערצויגן געוואָרן אין פֿילאַדעלפֿיע, האָט שטודירט שפּאַניש און יודאַיִסטיק אין ראָטגערס־אוניווערסיטעט, אין ניו־בראָנזוויק, ניו־דזשערזי, און האָט צוויי יאָר געאַרבעט בײַם ייִדישן ביכער־צענטער וווּ ער האָט אָנגעפֿירט מיטן קלאַנג־אַרכיוו.
אַ דאַנק זײַן אַרבעט האָט מען דיגיטאַליזירט אוידיאָס פֿון כּמעט אַלע ייִדישע לעקציעס אין דער מאָנטרעאָלער ייִדישער פֿאָלקס־ביבליאָטעק. צווישן די גאַסטרעדנער: חיים גראַדע, אַבֿרהם סוצקעווער, חוה ראָזענפֿאַרב, שמערקע קאַטשערגינסקי, קאַדיע מאָלאָדאָווסקי און רחל קאָרן.
במשך פֿון די לעצטע זעקס יאָר האָט דזשאָרדין געהאָלפֿן איבערפֿירן דעם פֿאָרווערטס אין אַ ריין דיגיטאַלישן קולטור־זשורנאַל, און דערבײַ דערמעגלעכט צוצוציִען אַ סך ליבהאָבער פֿון ייִדיש איבער דער וועלט. ער האָט אויך אָנגעפֿירט מיט „עונג שבת‟ — אַ וואָכיקע פֿאָרווערטס־רובריק פֿון טשיקאַווע ייִדישע יוטובס און אַנדערע ווידעאָס וואָס ער האָט געפֿונען דורך דער אינטערנעץ; צווישן זיי — אַ צאָל נײַע חסידישע לידער און נײַ־רעקאָרדירטע לידער פֿון באַקאַנטע ייִדישע שרײַבער. די יוטובס וואָס ער האָט געשטעלט האָבן אָפֿט צוגעצויגן די מערסטע באַזוכער פֿון דער וואָך, צוליב דעם וואָס מע מוז נישט קענען ייִדיש כּדי צו געניסן פֿון זיי.
ער האָט אויך געשריבן אַ צאָל אַרטיקלען וועגן הײַנטיקע געשעענישן ווי למשל, וועגן דעם וואָס מע האָט צוגעגעבן דעם לימוד ייִדיש צו די שפּראַכן בײַ „דואָלינגאָ‟ און וועגן דער איבערזעצונג פֿון האַרי פּאָטער אויף ייִדיש.
דזשאָרדין איז געווען אַ גוטער מיטאַרבעטער נישט בלויז בײַם ייִדישן אָפּטייל פֿון פֿאָרווערטס, נאָר אויך מיט די רעפּאָרטערס פֿון די אַרטיקלען אויף ענגליש בײַם Forward ווי, למשל, אינעם אַרטיקל וועגן דער פֿרומער ייִדישער קהילה אין דזשערזי־סיטי, גלײַך נאָך דער שיסערײַ אין דעצעמבער 2019.
דזשאָרדין וועט אונדז טאַקע אויספֿעלן אָבער מיר ווינטשן אים אַל דאָס גוטס אין דער נײַער סטאַדיע פֿון זײַן לעבן, ווי אַ צוקונפֿטדיקער פֿאַרטיידיקער פֿון אימיגראַנטן אין דער גאָלדענער מדינה. זאָל זײַן מיטן רעכטן פֿוס!
This is a moment of great uncertainty. Here’s what you can do about it.
We hope you appreciated this article. Before you go, we’d like to ask you to please support the Forward’s independent Jewish news. All donations are still being matched by the Forward Board - up to $100,000 until April 24.
This is a moment of great uncertainty for the news media, for the Jewish people, and for our sacred democracy. It is a time of confusion and declining trust in public institutions. An era in which we need humans to report facts, conduct investigations that hold power to account, tell stories that matter and share honest discourse on all that divides us.
With no paywall or subscriptions, the Forward is entirely supported by readers like you. Every dollar you give is invested in the future of the Forward — and telling the American Jewish story fully and fairly.
The Forward doesn’t rely on funding from institutions like governments or your local Jewish federation. There are thousands of readers like you who give us $18 or $36 or $100 each month or year.
Support our mission to tell the Jewish story fully and fairly.
